Аксияи «Тозагии роҳ» дар ноҳияи Бобоҷон Ғафуров
Бо мақсади ҷалб намудани оммаи васеи аҳолӣ ба корҳои ободониву созандагӣ ва тозагии муҳити атроф дар роҳи протоколии шоҳроҳи Хуҷанд – Ашт – Б. Ғафуров аксияи «Тозагии роҳ» доир гардид, ки дар он 90 нафар аҳолии ҷамоат фаъолона иштирок намуданд.
Бино ба маълумоти шуъбаи ҳифзи муҳити зисти ноҳияи Бобоҷон Ғафуров дар рафти баргузории аксия қади роҳҳо аз партовҳо тоза карда шуда, 3,5 м3 партов ба партовгоҳи расмии ноҳия бароварда шуд.
Маҳз бо ҷалби васеи кормандони ниҳодҳои мақомоти маҳалӣ ва иштироки фаъолонаи сокинони ҷамоату маҳаллаҳо аксияву шанбегиҳо доир мегарданд, ки барои тозаву обод намудани муҳити атроф ва беҳбудӣ бахшидан ба вазъи экологӣ мусоидат менамояд.