Ниҳолшинонӣ дар ноҳияи Ҷалолиддин Балхӣ

Дар мавсими ниҳолшинонию хуррамгардонӣ дар ноҳияи Ҷалолиддини Балхӣ шинонидани шинонидани 25 ҳазор бех ниҳолони гуногуни сояфкану ҳамешасабз ва садҳо ҳазор гулу буттаҳои ороишӣ ба нақша гирифта шудааст.

Тибқи нақша-чорабиниҳои бахши ҳифзи муҳити зисти ноҳияи мазкур, дар доираи маъракаи ниҳолшинониву кабудизоркунӣ тадбирҳои амалӣ андешида шуда, рӯзҳои истироҳат кормандони касбу кори куногун ба ҳашарҳои оммавӣ ҷалб карда мешаванд.

Дар чунин як иқдоми кабудизоркунӣ, дар шафати шоҳроҳи мошингарди Бохтар-Дӯстӣ-Панҷи Поён ниҳолони ҳамешасабзу сояафкан шинонида шуд, ки дар ин кор мутахассисони соҳа оид ба риоия дурусти ниҳолшинонӣ ба иштирокчиён маслиҳатҳо доданд.

Тавре масъулин иброз доштанд дар ноҳияи Ҷ. Балхӣ баҳри таъмини нигоҳубини минбаъдаи ниҳолон ва гулҳои  шинонидашуда тадбирҳои зарурӣ андешида шуда, ҳамасола сабзиши ниҳолон ва гулу буттуҳои ороишиву ҳамешасабз таъмин мегардад.