Маъракаи ниҳолшинонӣ ва бартараф намудани партовҳои бесоҳиб дар ноҳияи Ҷаббор Расулов

Дар давоми ду рӯз дар ноҳияи Ҷаббор Расулов корҳои беҳдошти муҳити зист амалӣ гардид.

Ободии кӯчаи протоколии марказ, ҷамоати шаҳраки Меҳрободи ноҳия дар мадди аввали назари кормандони мақомоти ҳифзи муҳити зист буда, бо мақсади обод намудани қадди роҳи нақлиётгард аз ҳисоби бахши ноҳия 60 бех ниҳолҳои дарахтони ҳамешасабзи санавбар харидорӣ карда, якҷоя бо 35 нафар сокинони маҳалла шинонида шудааст.

Ҳамчунин, дар ҷамоати деҳоти Ғӯлакандоз ва ҷамоати шаҳраки Меҳрободи ноҳияи Ҷ. Расулов бо иштироки беш аз 600 нафар намояндагони ташкилоту идораҳо ва аҳолии маҳаллаҳо аксияи «Тозагии маҳал» доир гардид. Дар натиҷа 2,2 километр ҷӯйбор тоза гардида, 18 м³ партовҳо ба партовгоҳ бароварда шудаанд.

Дар баробари ин дар соҳили Исфана – сойи ҷамоати деҳоти Ғӯлакандоз ду нуқтаи партовҳои бесоҳиб бо истифодаи техникаи махсус бартараф гардид. Ҳаҷми партовҳои бесоҳиби бартарафгардида, дар маҷмӯъ 6 м³ ташкил дод.