Тағйироти кадрӣ дар Кумита

Бо қарори Ҳукумати Ҷумҳурии Тоҷикистон аз 15 декабри соли 2021, №530 бо сабаби такмили сохтори Кумитаи ҳифзи муҳити зисти назди Ҳукумати Ҷумҳурии Тоҷикистон Қиёмзода Зарафо Суфиҷон аз вазифаи муоивини раиси Кумитаи ҳифзи муҳити зисти назди Ҳукумати Ҷумҳурии Тоҷикистон озод ва муовини якуми раиси Кумитаи ҳифзи муҳити зисти назди Ҳукумати Ҷумҳурии Тоҷикистон таъин гардид.

Дар ҷамъомаде, ки дар дастгоҳи марказии Кумита бо иштироки роҳбарият ва дигар кормандони сохторҳои Кумита баргузор гашт, намояндаи Ҳукумати Ҷумҳурии Тоҷикистон иштирок намуда, қарори мазкури Ҳукумати Ҷумҳурии Тоҷикистонро қироат намуд.

Кормандони Кумита дар ҷамъомад баромад карда, фаъолияти пурсамари Қиёмзода З. С.-ро қайд карданд, ба муносибати ба вазифаи пурмасъултар таъин гардиданаш ӯро табрик карданд ва дар фаъолияти минбаъдааш ба ӯ муваффақиятҳоро таманно намуданд.