Вохӯрӣ бо Фонди Оғо-Хон

14 декабри соли ҷорӣ вохӯрии кормандони Кумитаи ҳифзи муҳити зисти назди Ҳукумати Ҷумҳурии Тоҷикистон бо намояндагони Фонди Оғо-Хон оид ба таҳия намудани лоиҳаи нав дар самти тағйирёбии иқлим баргузор гардид.

Дар вохӯрӣ масъалаҳои марбут ба лоиҳаи минтақавӣ дар доираи Ташаббуси байналмилалии иқлим, ки аз ҷониби Вазорати федералии ҳифзи муҳити зист ва бехатарии ҳастаии Ҷумҳурии Федеративии Олмон пешниҳод гардида буд, мавриди баррасӣ қарор дода шуд.

Ҳадафи лоиҳаи минтақавии пешниҳодшуда муайян, дастгирӣ ва омӯхтани ҳалли инноватсионии кам кардани газҳои гулхонагӣ ва устуворӣ ба тағйирёбии иқлим дар бахшҳои асосии заминистифодабарӣ дар Осиёи Марказӣ ва Ҷанубӣ тавассути рақобатпазирии тиҷорат мебошад.