Оғози мавсими ниҳолшинонӣ дар ноҳияи Фархор  

5 декабри соли равон дар асоси Амри раиси ноҳия Фархор аксияи ниҳолшинонӣ бо ҷалби кормандони ташкилоту муассисаҳо, маорифчиён ва сокинони маҳал гузаронида шуд. Дар аксияи мазкур зиёда аз 250 нафар ширкат варзиданд.

Аз тарафи бахши ҳифзи муҳити зисти ноҳия ва шуъбаи кишоварзии ноҳия мутахассисон ба иштироккунандагони аксияи мазкур оид ба шинондани ниҳолҳо, кандани чуқурӣ ва додани озуқа тавсияҳо дода шуд.

То имрӯз зиёда аз 250 бех ниҳолҳои ҳамешасабзу ороишӣ дар ҳудуди ноҳия шинонида шудааст.

Чунин аксияҳо дар ҷамоатҳои шаҳраку деҳоти ноҳия идома дода мешавад.