Аксияи «Тозагии маҳал» дар шаҳри Бохтар

Бахшида ба Рӯзи Президенди Ҷумҳурии Тоҷикистон дар маркази шаҳри Бохтар бо ташаббуси шуъбаи ҳифзи муҳити зисти шаҳр дар якҷоягӣ бо кормандони идораи коммуналӣ, санаи 11 ноябри соли ҷорӣ дар кӯчаю маҳаллаҳои аҳолинишин, кӯчаҳои марказӣ ва гулгаштҳо аксияи “Тозагии маҳал” ва «Тозагии роҳ» гузаронида шуд.

Дар аксияҳои мазкур 250 нафар сокинон иштирок намуда, ба тоза намудани замини гулу буттаҳо аз алафҳои бегона ва ҳаргуна ифлосиҳо машғул шуданд. Дар натиҷа дар ҳаҷми 4,1 м³ партовҳо ҷамъоварӣ карда шуда, ба партовгоҳи шаҳрӣ интиқол дода шуданд.

Шуъбаи ҳифзи муҳити зисти шаҳр тасмим гирифтааст, ки барои тозаю озода нигоҳ доштани муҳити зист ва баланд бардоштани маърифати экологии аҳолӣ, дар оянда низ чунин чорабиниҳоро роҳандозӣ намояд.