Баргузории аксияи “Тозагии соҳил” дар ноҳияи Рӯдакӣ

10 ноябри соли ҷорӣ бо ташаббуси шуъбаи ҳифзи муҳити зисти ноҳияи Рӯдакӣ дар ҳамкорӣ бо дигар ниҳодҳои дахлдор дар ҷамоати шаҳраки Сомониёни ноҳия аксияи «Тозагии соҳил» гузаронида шуд.

Дар рафти баргузории аксия 40 нафар сокинон, аз ҷумла раисони маҳаллаҳо иштирок намуда, ба масофаи 200 метр ҷӯйбору заҳбурҳо аз партовҳои сахти маишӣ тоза карда шуда, 3 метри кубӣ партови ҷамъшуда ба партовгоҳи ноҳиявӣ интиқол дода шуданд.

Кормандони шуъбаи ҳифзи муҳити зисти ноҳия нақша доранд, ки то мусоид будани вазъи обу ҳаво дар ноҳия гузаронидани чунин аксияҳои эклогиро идома диҳад.