Дар ш. Душанбе Ҷоми "Бабри барфӣ" оид ба футбол (футзал) баргузор мегардад

Кумитаи ҳифзи муҳити зисти назди Ҳукумати Ҷумҳурии Тоҷикистон бахшида ба "Рӯзи байналмилалии бабри барфӣ" баргузор намудани якчанд чорабиниҳоро ба нақша гирифтааст.

Ҷоми "Бабри барфӣ" оид ба футзал дар шаҳри Душанбе бо иштироки 16 тим, аз ҷумла тими "Экология"-и Кумитаи ҳифзи муҳити зисти назди Ҳукумати Ҷумҳурии Тоҷикистон пешбинӣ гардидааст.

Санаи 21 октябр қуръакашӣ ва тақсим намудани тимҳо дар ҷадвали бозӣ сурат мегирад. Макони баргузории ин чорабинӣ дар Федератсияи футболи Тоҷикистон (ФФТ) баргузор мегардад.

Мавриди зикр аст, ки Ҷоми "Бабри барфӣ" аз 23 октябр то 25 ноябри соли 2021 идома меёбад.

Дар ҷамъбасти бозиҳои ҷом дастаҳои ғолиб ва бозингарҳои беҳтарин бо ҷоизаҳо ва туҳфаҳои хотиравӣ сарфароз гардонида мешаванд.