Аксияи “Тозагии маҳал” дар шаҳри Бохтар

Бо ташаббуси шуъбаи ҳифзи муҳити зисти шаҳри Бохтар ва ҷиҳати ҷашн гирифтани 30-солагии Истиқлолияти давлатии Ҷумҳурии Тоҷикистон ҳафтаи сипаришуда бо ҷалби васеъи аҳолӣ, ки беш аз 105 нафарро ташкил медод дар маркази шаҳр аксияи “Тозагии маҳал” ва “Тозагии роҳ” гузаронида шуд. Дар натиҷаи гузаронидани аксияҳои мазкур дар маҷмӯъ 12,2 м³ партовҳо ҷамъоварӣ карда шуда, ба партовгоҳи доимӣ интиқол дода шуданд.

Шуъбаи ҳифзи муҳити зисти шаҳри Бохтар аз тамоми имкониятҳои мавҷуда истифода карда, барои боз ҳам тозаю озода ва сабзу хуррамгардонии кӯчаю маҳаллаҳои шаҳри Бохтар кушиш ба харҷ дода истодааст.