Аксияҳои “Тозагии соҳил” ва “Тозагии маҳал”дар шаҳри Ҳисор

Ҷиҳати тозаву обод намудани муҳити зист ба истиқболи 30 - солагии Истиқлолияти давлатии Ҷумҳурии Тоҷикистон бо иқдоми шуъбаи ҳифзи муҳити зисти шаҳри Ҳисор дар ҷамоатҳои шаҳрак ва деҳоти шаҳр  аксияҳои "Тозагии соҳил" ва "Тозагии маҳал" гузаронида шуд.

Дар аксия  2 адад техника истифода бурда шуда, зиёда аз 800 нафар ҳашарчиён аз ҷумла,  намояндагони соҳаи тиб ва сокинони деҳаҳои ҷамоати Сомон иштирок намуда, аз он 200 нафар 3 км манбаъҳои обиро тоза намуда, ба миқдори 1,9 м³ партовҳо ҷамъоварӣ карда шуданд.

Дар қисмати аксияи “Тозагии маҳал” бо иштироки 580 нафар сокинон 9,9 км шафати роҳҳо ва минтақаҳои аҳолинишин аз ҳаргуна партовҳо тоза гардида, 6,5 м³ партовҳо ҷамъоварӣ ва ба партовгоҳи расмии шаҳр интиқол дода шуданд.