21 августи соли  ҷорӣ бо ташаббуси бахши ҳифзи муҳити зисти шаҳри Левакант дар ҳамкорӣ бо мақомоти иҷроияи маҳаллии  ҳокимияти давлатӣ дар шаҳри мазкур дар қаламрави шаҳр аксияи «Тозагии маҳал» гузаронида шуд.

Дар рафти баргузории аксия тамоми ташкилоту корхонаҳои ҳудуди шаҳр, аз ҷумла кормандони соҳаҳои тандурӯстӣ, маориф, КДФ «Хоҷагии манзилию коммуналӣ» фаъолона  иштирок намуда, шоҳроҳи Левакант-Бохтар, кӯчаҳои Рӯдакӣ ва Борбадро аз ҳамагуна партовҳо тоза намуда, ба тартиб дароварданд.

Аксияи «Тозагии маҳал» тибқи нақша-чорабиниҳои бахши ҳифзи муҳити зисти шаҳри Левакант ба роҳ монда шудааст. Бинобар ин,  корҳои тозагию ободонӣ ҳамеша аз тарафи кормандони ташкилоту идораҳои қаламрави шаҳр, бахшида ба 30-юмин солгарди Истиқлолияти давлатии Ҷумҳурии Тоҷикистон  пайваста гузаронида мешавад.