Бо мақсади сазовор пешвоз гирифтани ҷашни  30 – солагии Истиқлолияти давлатии Ҷумҳурии Тоҷикистон, баҳри иҷрои дастуру супоришҳои Кумитаи ҳифзи муҳити зисти назди Ҳукумати Ҷумҳурии Тоҷикистон оид ба таъмини амнияти экологии аҳолӣ дар шаҳри Ҳисор 7 августи соли равон бо ҷалби кормандони касбу кори гуногун, сокинони ҷамоатҳо, аз ҷумла мутахассисони шуъбаи ҳифзи муҳити зист аксияи “Тозагии маҳал” гузаронида шуд.

Дар аксияи гузаронидашуда, аз ҷониби иштирокчиён минтақаҳои аҳолинишин, шафати роҳҳо ва ҷӯйҳои обгузар аз ҳаргуна партовҳо тоза карда шуд.

Дар чорабинии гузаронидашуда ба миқдори 3,7 м3 партовҳо ҷамъоварӣ ва ба партовгоҳи расмии шаҳр интиқол дода шуд.