Дар асоси нақшаи чорабиниҳои шуъбаи ҳифзи муҳити зисти шаҳри Хӯҷанд дар кӯчаи ба номи Р. Ҳоҷиеви шаҳр, маҳаллаи 20, бо ҷалби 15 нафар кормандони корхонаи давлатии «Истифодабарии роҳ», давоми ду рӯз аксияи «Тозагии роҳ» баргузор гардид.

Аксияи мазкур бо мақсади тоза намудани ду тарафи қадди роҳ ва хусусан ҷӯйборҳои обгузар амалӣ гардида, дар натиҷа зиёда аз 5 километр масофа аз ҳаргуна партов тоза карда шуд. Ба партовгоҳи шаҳрӣ 8 метри мукааб партовҳо бароварда шудааст.

Минбаъд, то истиқболи 30-солагии Истиқлолияти Ҷумҳурии Тоҷикистон баргузории чунин аксия дар дигар кӯчаҳои шаҳри Хӯҷанд пешбинӣ гардидааст.