Дар толори Кохи фарҳанг ва маркази иттиллотии шаҳри Бохтар ҷаласаи сайёри Раёсати ҳифзи муҳити зисти вилояти Хатлон доир шуд.

Дар он кормандони дастгоҳи марказии Раёсат, мудирони шуъба ва бахшҳои ҳифзи муҳити зисти шаҳру ноҳияҳои минтақаи Бохтар иштирок намуданд.

Дар ҷаласаи мазкур атрофи иҷрои дастуру супоришҳои Раиси Кумитаи ҳифзи муҳити зисти назди Ҳукумати Ҷумҳурии Тоҷикистон, бобати ҷонок намудани кору фаъолият дар шуъба ва бахшҳои ҳифзи муҳити зисти шаҳру навоҳияҳо, иҷрои нақшаи пардохтҳо, баланд бардоштани таъмини амнияти экологии аҳолӣ, тақвияти маърифати экологии аҳолӣ ва дар сатҳи баланду бо сифат ташкил ва баргузор намудани аксияҳо чораҳои зарурӣ андешанд то ҷашни таърихии миллат 30-солагии Истиқлолияти давлатии Ҷумҳурии Тоҷикистонро бо дастовардҳои арзандаи меҳнатӣ пешвоз гирем.

Сардори Раёсати ҳифзи муҳити зисти вилоят Мусозода Шодӣ дар идомаи кори ҷаласа иброз доштанд, ки Истиқлолият муқаддастарин неъмат, рукни асосии давлати озоду обод, рамзи шарафу номуси ватандорӣ, кафолати хонаободиву саодатмандӣ, сарбаландиву осоиштагӣ ва нерӯи тавонбахши ҳаёт мебошад.

Аз ин лиҳоз зикр шуд, ки ҳар як корманди шуъба ва бахш бо масъулияти баланд коро ҷонок созанд то рӯзи Истиқлолияти давлатии Ҷумҳурии Тоҷикистонро бо дастовардҳои арзандаи меҳнатӣ пешвоз гирем.