.png){kind=logo}
.png){kind=logo}
Насби лавҳаҳои таблиғотӣ дар шаҳру ноҳияиҳои вилояти Хатлон
|
Масъулону кормадони бахши ҳифзи муҳити зисти ноҳияи Абдураҳмони Ҷомӣ дар асоси дастуру супоришҳои роҳбарияти Кумитаи ҳифзи муҳити зисти назди Ҳукумати Ҷумҳурии Тоҷикистон ва нақша чорабиниҳои Раёсати ҳифзи муҳити зисти вилояти Хатлон фаъолияти худро ба роҳ монда, баҳри сазовор ҷашн гирифитани 30-умин солгарди Истиқлолияти давлатии кишваро корҳои назаррас ба анҷом расонида истодааст. Масъулони ин ниҳод баҳри ба танзим даровардани партовҳои истеъмолӣ дар нуқтаҳои ҷамъоварии муваққатии партовҳо ва инчунин пешгирии ҷойгиршавии партовҳо дар ҷойҳои ғайрирасмӣ чораҷӯй намуда, пайваста миёни аҳолӣ сӯҳбату мулоқотҳои экологӣ баҳри баланд бардоштани маърифати экологии сокинон анҷом медиҳанд. |
|
Бо ин мақсад аз ҷониби намояндагони бахши ҳифзи муҳити зисти ноҳияи мазкур дар ҷамоати деҳоти Каленин, деҳаҳои Обшорон, Меҳргон ва Меҳробод 3 адад лавҳаҳои огоҳӣ ҷиҳати ҷойгиронии партовҳо дар ҷойҳои муқарраргардида насб намудаанд. Инчунин дар баробари ин, дар даромадгохи ноҳияи Абдураҳмони Ҷомӣ ва ҷамоати шаҳраки ноҳия шиору овезаҳои таблиғотї дар самти тозаву озода нигоҳ доштани ҳифзи муҳити зист ва шиору овезаҳои таҷассумкунандаи 30-солагии Истиқлолияти давлатии Ҷумҳурии Тоҷикистон насб карда шудааст. Чунин тозакориҳо аз тарафи масъулони бахши болозикр пайваста анҷом дода мешавад. |
|
