Тозагии муҳити зист – нишонаи ватанпарастист

Бо мақсади дар сатҳи баланд пешвоз гирифтани 30- солагии Истиқлолияти давлатии Ҷумҳурии Тоҷикистон, баҳри иҷрои дастуру супоришҳои Кумитаи ҳифзи муҳити зисти назди Ҳукумати Ҷумҳурии Тоҷикистон санаи 31 июли соли ҷорӣ дар ҷамоати деҳоти Сомон ва шоҳроҳи Душанбе — Ҳисор – Турсунзода корҳои ободонӣ ва тозагии атроф зери шиори «Тозагии муҳити зист – нишонаи ватанпарастист» баргузор гардид.

Дар чорабинии мазкур кормандони касбу кори гуногун, сокинони ҷамоат ва намояндагони шуъбаи ҳифзи муҳити зист, дар ҷамъ 650 нафар иштироки фаъол намуданд. Аз ҷониби иштирокчиён бо истифода аз техника корҳои тозагӣ ба масофаи 10 км аз ду тарафи шоҳроҳ,  минтақаҳои аҳолинишнӣ ва ҷӯйтозакунӣ  баргузор гардид, ки  минтақаҳои зикргардида аз ҳаргуна партовҳо ҷамъоварӣ карда шуданд.

Инчунин дар шоҳроҳи Душанбе — Ҳисор – Турсунзода  баҳри пешгирӣ аз хушкшавии гулҳои шинонидашуда, аз алафҳои бегона тоза ва бехи онҳоро нарм намуданд.

Дар натиҷаи корҳои анҷомдодашуда 8,2 м3 партов ҷамъоварӣ ва ба партовгоҳи расмии шаҳр интиқол дода шуданд.  

Мақсад аз ҷалб намудани табақаҳои гуногуни аҳолӣ дар чорабиниҳои ободонӣ ва тозагии муҳити зист, ин баланд бардоштани сатҳи маърифтанокии аҳолӣ ва  баҳри рушду такомул додани маънавиёти ватандустдории ҷавонони шаҳр мебошад.