31 июли соли 2021 вохӯрии Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон бо фиристодаи махсус оид ба об, рушд ва ҳамкории Агентии Швейтсария (Blue Peace Central Asia) ҷаноби Ги Бонвин ва Ричард Ченевард Дафтари ҳамкории Швейтсария дар Ҷумҳурии Тоҷикистон баргузор гардид.Дар вохӯрӣ масъалаҳои марбут ба натиҷаҳои Конфронси 4-уми Осиёи Марказӣ оид ба тағйирёбии иқлим, ки рӯзҳои 26-27 июли соли 2021 дар шаҳри Душанбе баргузор гардид, ҳамкориҳои ояндаи судманди Кумитаи ҳифзи муҳити зисти назди назди Ҳукумати Ҷумҳурии Тоҷикистон бо Маркази минтақавии экологии Осиёи Марказӣ, ҳамкориҳои минтақавӣ оид ба муайян намудани сифати об, инчунин оид ба ҳамкориҳо дар самти тағйирёбии иқлим, амалишавии лоиҳаҳо, дар ҳамкорӣ бо Агентии Швейтсария оид ба рушд ва ҳамкорӣ, таҳияи барномаҳои соҳавӣ оид ба муҳити зист мавриди баррасӣ қарор дода шуданд.

Раиси Кумита роҷеъ ба корҳои анҷомдодашуда ва вазифаҳои минбаъдаи Агентии Швейтсария оид ба рушд ва ҳамкорӣ ва Дафтари ҳамкории Швейтсария дар Ҷумҳурии Тоҷикистон сухан ронда, таваҷҷуҳи намояндагони ташкилоти болозикрро ба амалӣ шудани чорабиниҳои ба нақшагирифташуда ҷалб намуд.
Вохӯрӣ дар фазои якдигарфаҳмӣ сурат гирифта, тарафҳо вобаста ба масъалаҳои баррасишуда ба мувофиқа расиданд.