Аксияи «Тозагии маҳал» дар шаҳри Бохтар

31 июли соли ҷорӣ шуъбаи ҳифзи муҳити зисти шаҳри Бохтар барои сазовор пешвоз гирифтани 30-солагии Истиқлолияти давлатии Ҷумҳурии Тоҷикистон дар ҳамбастагӣ бо корхонаи воҳиди давлатии идораи коммуналӣ ва шаҳрвандони табақаҳои гунонуни аҳолӣ, ки беш 350 нафарро ташкил медоданд, дар кӯчаю маҳаллаҳои Айнӣ, Хатлон, М. Турсунзода, Кайҳоннавардон, Румӣ ва Ваҳдат аксияи «Тозагии маҳал» гузарониданд.

Дар натиҷаи аксияи мазкур ба миқдори 35 м3 партовҳо ҷамъоварӣ шуда, бо ёрии 2 техникаи партовбарор бароварда, ба партовгоҳ интиқол дода шуданд. Шуъбаи ҳифзи муҳити зист шаҳри Бохтар тасмим гирифааст, ки то 30-солагии истиқлолияти давлатии Ҷумҳурии Тоҷикистон дар ҷойҳо корҳои назоратӣ ва ободонию созандагиро ба роҳ монад.