Вазифаҳо

- пешбурди сиёсати ягонаи давлатӣ дар соҳаи назорати давлатии танзими истифода ва ҳифзи захираҳои об ва ҳифзи муҳити зист; - таҳияи пешниҳодҳо ҷиҳати мукаммалсозии қонунгузории об ва санадҳои меъёрӣ ҳуқуқии вобаста ба истифода ва ҳифзи захираҳои об; - пешбурди назорати давлатӣ дар субъектҳои хоҷагидор, новобаста аз тобеияти идоравӣ ва шакли моликият бо тартиби муқарранамудаи қонунгузорӣ дар бораи санҷиши субъектҳои хоҷагидор ва дигар қонунгузории соҳаи ҳифзи муҳити зист; - назорати давлатӣ оид ба риояи қонунгузории соҳаи об, ҳифзи муҳити зист, меъёр ва қоидаҳои истифода ва ҳифзи захираҳои об аз ҷониби истифодабарандагони об; - назорати давлатӣ оид ба мавҷудият ва иҷрои шартҳои иҷозати истифодаи махсуси об, меъёрҳои ҳадди имконпазири партофтани моддаҳои ифлоскунанда ба объектҳои об, инчунин тартиби муқараргардида ва шартҳои партофтани ин моддаҳо ба партовобҳо; - назорати давлатии риояи талаботи экологии истифодаи системаҳои хоҷагии об ва обанборҳо, кӯл ва дигар ҳавзобаҳои ба сифати обанборҳо истифодашаванда; - таҳия ва амалисозии чорабиниҳое, ки ба истифодаи оқилона ва ҳифзи захираҳои об нигаронида шудаанд; - таҳияи ҳуҷҷатҳои меъёрӣ ва методӣ оид ба истифода ва ҳифзи захираҳои об; - тибқи тартиби қонунгузории амалкунандаи Ҷумҳурии Тоҷикистон андешидани чораҳои маъмурии таъсиррасонӣ ба шахсони воқеӣ ва ҳуқуқӣ барои вайрон намудани қонунгузории об; - татбиқи комёбиҳои илму техника ва тачрибаи пешқадам дар соҳаи истифодабарӣ ва ҳифзи захираҳои об; - амалисозии назорат ва роҳбарӣ ба фаъолияти Раёсатҳо, шуъбаҳо ва бахшҳои ҳифзи муҳити зисти ВМКБ вилоятҳо, шаҳру ноҳияҳо оид ба назорати давлатии истифода ва ҳифзи захираҳои об; -тибқи талаботи қонунгузории низоми иҷозатдиҳӣ ва дигар қонунгузорӣ ба субъектҳои хоҷагидор, муассисаҳои давлатӣ ва шаҳрвандон дар асоси дархост иҷозати истифодаи махсуси об, пармакунии чоҳҳои об ва ҳадди имконпазири партовҳои обиро медиҳад; - меъёри (лимити) истифодаи обро бо мақсади обёрии кишоварзӣ аз ҳама манбаҳои оби табиӣ ба Агенти беҳдошти замин ва обёрии назди Ҳукумати Ҷумҳурии Тоҷикистон дида баромада, барои тасдиқ пешниҳод менамояд; - дар сурати вайрон кардани шартҳои иҷозати истифодаи махсуси об, пармакунии чоҳҳои об ва ҳадди имконпазири партовҳои обӣ қарор дар бораи аз эътибор соқит намудани иҷозатро тибқи тартиби муқарраргардида мебарорад.