Эълон барои пешниҳоди хизматрасониҳои машваратии муҳандисӣ

Эълон барои пешниҳоди хизматрасониҳои машваратии муҳандисӣ

Ташкилот:                                      БРСММ/КҲМЗ

Вазифа:                                         Муҳандис барои ҳисобкунии хароҷоти фаъолиятҳои пилотӣ (Реҷа: рӯзи кории нопурра)

Рамзи мушаххаси Лоиҳа:             111538

Соҳаи амалия – Тавсифи кор:     Муҳити зист ва коҳиши офатҳои табиӣ - ТАҒЙИРЁБИИ ИҚЛИМ, КОҲИШИ ОФАТҲОИ ТАБИӢ, ЭНЕРГЕТИКА ВА МУҲИТИ ЗИСТ

Муҳлати ниҳоии

пешниҳоди дархост:                    15.05.2023 (душанбе, соати 17:00-и вақти маҳаллӣ, Тоҷикистон)

Навъи шартнома:                         Инфиродӣ

Муҳлати амали шартнома:           3 моҳ бо имконияти тамдиди он

Маълумоти умумӣ            

Дафтари намояндагии БРСММ дар Тоҷикистон дар якҷоягӣ бо Кумитаи ҳифзи муҳити зисти назди Ҳукумати Ҷумҳурии Тоҷикистон (КҲМЗ) Лоиҳаи «Усулҳои ҳамгироишудаи манзаравӣ барои таҳкими тобоварӣ ба тағйирёбии иқлим миёни хоҷагиҳои деҳқонии хурд ва чорводорон дар Тоҷикистон»-ро оғоз менамояд, ки аз ҷониби Фонди Адаптатсионӣ маблағгузорӣ мегардад.                                                                                                                                        

Ҳадафи Лоиҳаи пешниҳодгардида, ин баланд бардоштани воситаҳои зиндагии деҳқонон ва чорводорони хурд дар ҳавзаи дарёи Кофарниҳон дар шароити дар пешистодаи тағйирёбии иқлим мебошад. Интизор меравад, ки чунин шароит афзоиши суръат ва шиддатнокии ҳодисаҳои иқлимии ғайриоддӣ ба монанди боришоти шадид, обхезӣ, баланд шудани ҳарорати ҳаво ва обшавии босуръати пиряхҳоро дар бар мегирад. Дар натиҷа, офатҳои обуҳавоӣ, ба монанди хушксолӣ, обхезӣ, ҷоришавии сел ва лағзиши замин бештар руҳ медиҳанд ва суръати эрозияи хок дар саросари кишвар афзоиш меёбад.

Муҳандис тавассути менеҷери Лоиҳа (МЛ) ба Директори миллии Лоиҳа ҳисобот медиҳад ва таҳти роҳбарии умумии Сармушовири техникӣ кор мекунад. Ӯ барои ноил шудан ба натиҷаҳои пешбинишудаи Лоиҳа ва чорабиниҳое, ки дар нақшаи кории солона муайян карда шудаанд, мувофиқи муносибатҳои шарикона, меъёрҳои сифат, сатҳи буҷет ва муҳлатҳои дар ҳуҷҷатҳои Лоиҳа пешбинишуда, ба МЛ кӯмак менамояд.

Уҳдадориҳо ва масъулиятҳо

Зери назорат ва роҳнамоии умумии МЛ, мушовир аслан вазифадор аст, ки корҳои зеринро омода созад ва қисми назоратро иҷро кунад ва барои корҳои зерин масъул аст:

·         Тарҳи муфассал, нақшаҳо, сметаи хароҷот, ҳуҷҷатҳои тендериро омода месозад, ба Фармоишгар дар раванди харид ва бастани шартнома барои банақшагирӣ ва татбиқи Лоиҳа кӯмак мерасонад.

·         Назорат аз болои иҷрои корҳои сохтмонӣ ва риояи стандартҳои лоиҳакашӣ.

·         Назорат/санҷиши корҳо дар давраи бартараф кардани камбудиҳо.

·         Иҷрои ҳама гуна уҳдадориҳо ва вазифаҳое, ки фармоиш дода мешаванд ва ғайра.

Салоҳиятҳо

Таҳсилот:                                                                                                                                                                                 

- Дараҷаи бакалавр дар муҳандисӣ/меъморӣ ё тахассуси касби баробар бо он.

Таҷрибаи корӣ:

- Ҳадди ақал аз 3 то 5 сол таҷрибаи корӣ дар соҳаи муҳандисӣ/меъморӣ, идоракунии лоиҳа ва ғайра.

- Таҷрибаи корӣ ба ҳайси муҳандис/меъмори дипломдор ақаллан дар як лоиҳаи монанд.

Талаботҳои вобаста ба забондонӣ

- Равон ва комил донистани забонҳои тоҷикӣ, русӣ. Ба донистани забони англисӣ бартарӣ дода мешавад.

Маҳорату малака дар соҳаи ТИ (IT):                                                                                                                     

    - Таҷриба дар истифодаи компютерҳо ва бастаҳои нармафзори дафтари корӣ (MS Word, Excel Auto CAD ва ғайра).

Пешниҳоди дархостҳо

Номзадҳои баландихтисос метавонанд бастаи дархости худро (ариза, тарҷумаи ҳол (CV) ва нусхаи дигар ҳуҷҷатҳои тасдиқкунанда) бо забонҳои тоҷикӣ ва русӣ, тавассути почтаи электронӣ бо возеҳ нишон додани вазифа дар сатри "Мавзӯъ" пешниҳод намоянд.

Пешниҳодҳо бояд ба суроғаи почтаи электронӣ: nurkhon.nazarov@undp.org ва нусха radjabov.khursched@gmail.com фиристонида шаванд ва ё мустақиман ба Лоиҳа воқеъ дар КҲМЗ, кӯчаи Шамсӣ 5/1 Лоиҳаи «Усулҳои ҳамгироишудаи манзаравӣ барои таҳкими тобоварӣ ба тағйирёбии иқлим миёни хоҷагиҳои деҳқонии хурд ва чорводорон дар Тоҷикистон» дастрас карда шаванд.

Барои маълумоти иловагӣ метавонед бо телефони (+99) 2367655 аз соати 09:00-17:00 то 15/05/2023 дар тамос шавед.

Эзоҳ: Ба номзадҳои занони баландихтисос пешниҳод намудани дархостҳо ба ин вазифа бо таъкиди қавӣ тавсия дода мешавад.