Эълон барои пешниҳоди хизматрасониҳои машваратӣ - ҳамоҳангсози саҳроӣ

Эълон барои пешниҳоди хизматрасониҳои машваратӣ - ҳамоҳангсози саҳроӣ

Ташкилот:                                   БРСММ/КҲМЗ

Вазифа:                                     Ҳамоҳангсози саҳроӣ оид ба дастгирии татбиқи Лоиҳаи «Усулҳои ҳамгироишудаи манзаравӣ барои таҳкими тобоварӣ ба тағйирёбии иқлим миёни хоҷагиҳои деҳқонии хурд ва чорводорон дар Тоҷикистон» (Лоиҳаи Фонди Адаптатсионӣ) барои ноҳияҳои Варзоб, Файзобод ва ш. Ваҳдат (Реҷа: рӯзи кории нопурра) -1 нафар

Рамзи мушаххаси Лоиҳа:           111538

Соҳаи амалия – Тавсифи кор:   Муҳити зист ва коҳиши офатҳои табиӣ - ТАҒЙИРЁБИИ ИҚЛИМ, КОҲИШИ ОФАТҲОИ ТАБИӢ, ЭНЕРГЕТИКА ВА МУҲИТИ ЗИСТ

Муҳлати ниҳоии

пешниҳоди дархост:                  11.05.2023 (чоршанбе, соати 17:00-и вақти маҳаллӣ)

Навъи шартнома:                       Инфиродӣ

Муҳлати амали шартнома:         3 моҳ бо имконияти тамдиди он

Маълумоти умумӣ

Дафтари намояндагии БРСММ дар Тоҷикистон дар якҷоягӣ бо Кумитаи ҳифзи муҳити зисти назди Ҳукумати Ҷумҳурии Тоҷикистон (КҲМЗ) Лоиҳаи «Усулҳои ҳамгироишудаи манзаравӣ барои таҳкими тобоварӣ ба тағйирёбии иқлим миёни хоҷагиҳои деҳқонии хурд ва чорводорон дар Тоҷикистон»-ро (Лоиҳа), ки аз ҷониби Фонди Адаптатсионӣ маблағгузорӣ мегардад амалӣ менамояд.                                                                                                                                       

Ҳадафи Лоиҳаи пешниҳодгардида, ин баланд бардоштани воситаҳои зиндагии деҳқонон ва чорводорони хурд дар ҳавзаи дарёи Кофарниҳон (ҲДК) дар шароити дар пешистодаи тағйирёбии иқлим мебошад. Интизор меравад, ки чунин шароит афзоиши суръат ва шиддатнокии ҳодисаҳои иқлимии ғайриоддӣ ба монанди боришоти шадид, обхезӣ, баланд шудани ҳарорати ҳаво ва обшавии босуръати пиряхҳоро дар бар мегирад. Дар натиҷа, офатҳои обуҳавоӣ ба монанди хушксолӣ, обхезӣ, ҷоришавии сел ва лағзиши замин бештар рӯй медиҳанд ва суръати эрозияи хок дар саросари кишвар афзоиш меёбад.

Ҳамоҳангсози саҳроӣ таҳти роҳбарии Коршиноси байналмилалӣ/Роҳбари гурӯҳ бо дастгирии КҲМЗ ва Дафтари кишварии БРСММ дар Ҷумҳурии Тоҷикистон тавассути менеҷери Лоиҳа (МЛ) ва таҳти роҳнамоии умумии сармушовири техникӣ кор мекунад. Ӯ барои ноил шудан ба натиҷаҳои пешбинишудаи Лоиҳа ва чорабиниҳое, ки дар нақшаи кории солона муайян карда шудаанд, мувофиқи муносибатҳои шарикона, меъёрҳои сифат, буҷет ва мӯҳлатҳои дар ҳуҷҷатҳои Лоиҳа пешбинишуда, ба МЛ кӯмак менамояд.                                                                                

Уҳдадориҳо ва масъулиятҳо                                                                                                                      

Ҳамоҳангсози саҳроӣ таҳти роҳбарии умумии директори миллии Лоиҳа, сармушовири техникӣ тавассути МЛ, ҷиҳати татбиқи самараноки Лоиҳа фаъолият менамояд. Ӯ барои банақшагирӣ ва ҳамоҳангсозии мудохилаҳои пилотии Лоиҳа масъул хоҳад буд ва бо ҳамкорон дар сатҳи минтақа/ноҳия/ҷамоат, ҷомеаҳои шаҳрвандӣ, бахшҳои хусусӣ дар банақшагирӣ ва ҳамоҳангсозии мудохилаҳои субъектҳои калидӣ, ки дар амалисозии Лоиҳа иштирок хоҳанд намуд ва барои мавридҳои зерин масъул хоҳад буд:

·         Роҳнамоӣ ва назорат, ҳамоҳангсозӣ, арзёбӣ ва мунтазам омода намудани гузоришҳо ҷиҳати татбиқи Лоиҳа.

·         Ҳамкорӣ, дастгирӣ намудани маъмурияти вилоятҳо/ноҳияҳо/ҷамоатҳо, ҷомеаҳои шаҳрвандӣ, бахши хусусӣ ва дигар намояндагони дахлдор оид ба таъсиси механизм ва сохторҳои сатҳи вилоятӣ, беҳтар намудани қабули қарорҳои захираҳо дар сатҳи вилоят бо макомоти вилоятӣ ва ё дигар органҳои дахлдор оиди масоили гуногуни корӣ.

·         Таъмин намудани ҳамоҳангсозии нақшаҳои корӣ дар сатҳи вилоят/ноҳия ва роҳ мондани муколамаи беҳтари корӣ бо созмонҳои ғайридавлатии шарик ва ё ҷамоатҳо оиди таъмини иртибот ва ҳалли дигар масъалаҳо.

·         Гузаронидани арзёбиҳои ҳамаҷониба ҷиҳати татбиқи чорабиниҳои Лоиҳа дар маҳалҳо.

·         Гузаронидан, идора ва ҳамоҳанг намудани вохӯриҳо, конфронсҳо ва вазифаҳои мувофиқашудаи Лоиҳа.

·         Мусоидат ва ҳамоҳангсозии баҳодиҳӣ, рушди иқтидор барои шарикон ва субъектҳои миллӣ ва институтҳои ҷомеаи шаҳрвандӣ.

·         Ҳамкории зич намудан бо коршиноси Лоиҳа оид ба равобити беруна барои дастгирӣ ва мусоидат ба табодули пайвастаи иттилоот дар бораи фаъолиятҳои марбутаи Лоиҳа байни ҷонибҳои манфиатдор.

·         Хизматрасониҳо дар сурати руй додани офатҳои табиӣ, дар ҳамкории зич бо шарикони мақомоти давлатӣ ҳамчун нуқоти марказии Лоиҳа ва ғ

Салоҳиятҳо

Таҳсилот:                                                                                                                                                                                                            

• Маълумоти олӣ дар бахшҳои идоракунии захираҳои табиӣ, давлатӣ, муҳандисӣ ва ё соҳаи дахлдор.

Таҷрибаи корӣ:

-       Ҳадди ақал 3 сол таҷрибаи кории дахлдор оид ба тағирёбии иқлим, ҳифзи муҳити зист ё соҳаи дахлдор. Ба таҷрибаи кории қаблӣ бо лоиҳаҳои СММ афзалият дода мешавад.

-       Таҷрибаи кории қаблӣ дар ҳамоҳангсозии лоиҳаҳо

-       Доштани маълумот дар масъалаҳои мутобиқшавӣ ба тағирёбии иқлим, идоракунии устувори захираҳои табиӣ, воситаҳои аз ҷиҳати экологӣ устувор ва ё дигар масоили марбута.

Талаботҳои вобаста ба забондонӣ:                

- Ба таври равон ва комил донистани забонҳои тоҷикӣ ва русӣ дар шакли хаттӣ ва шифоҳӣ.

Дигар:

-       Малакаҳои қавии байнишахсӣ, махсусан, сифатҳои дидашавандаи роҳбарии даста ва малакаҳои хуби муоширати шифоҳӣ.

-       Нишон додани ҳассосият ва қобилияти мутобиқшавии ба хусусиятҳои фарҳангӣ, гендерӣ, нажодӣ, миллат ва синну сол.

-       Малакаҳои баланди банақшагирӣ, созмонӣ ва идоракунии вақт, аз ҷумла тағйирпазирӣ, таваҷҷуҳ ба ҷузъиёт ва қобилияти кор кардан таҳти мамониятҳо барои анҷоми корҳо дар муҳлатҳои пешбинишуда.

-       Қобилияти зуд мутобиқ шудан ба тағйиротҳо ва ором будан ҳангоми рӯ ба рӯ шудан ба мамониятҳо;                        

Маҳорату малака дар соҳаи ТИ (IT):                                                                                                                     

    -Таҷриба дар истифодаи компютер ва бастаҳои нармафзори дафтари корӣ (MS Word, Excel ва ғайра), инчунин дониши амиқи ҷадвалҳои электронӣ ва бастаҳои додапойгоҳ;

    -Ба доштани таҷриба дар системаҳои идоракунии ба веб асосёфта бартарӣ дода мешавад.

Пешниҳоди дархостҳо

Номзадҳои баландихтисос метавонанд бастаи дархостҳои худро (ариза, тарҷумаи ҳол (CV) ва нусхаи дигар ҳуҷҷатҳои тасдиқкунанда) бо забонҳои тоҷикӣ ва русӣ тавассути почтаи электронӣ бо возеҳ нишон додани вазифа дар сатри "Мавзӯъ" пешниҳод намоянд.

Шахси тамос дар Лоиҳа:                                                                                                                                                  Нурхон Назаров                                                                                                                                                          Почтаи электронӣ: nurkhon.nazarov@undp.org ва нусха radjabov.khursched@gmail.com                                                                                                          Телефон барои тамос: (+99) 2367655                                                                                                                                                                                                             

Ҳамчунин, бастаи дархостҳоро дар лифофа бо нишон додани вазифаи холӣ ба суроғаи зерин пешниҳод кардан мумкин аст: Кумитаи ҳифзи муҳити зисти назди Ҳукумати Ҷумҳурии Тоҷикистон, шаҳри Душанбе, кӯчаи Шамсӣ 5/1, Лоиҳаи «Усулҳои ҳамгироишудаи манзаравӣ барои таҳкими устуворӣ ба тағйирёбии иқлим миёни хоҷагиҳои деҳқонии хурд ва чорводорон дар Тоҷикистон».

Эзоҳ: Ба номзадҳои занони баландихтисос пешниҳод намудани дархостҳо ба ин вазифа бо таъкиди қавӣ тавсия дода мешавад.