Пешниҳодҳои нархҳо барои хизматрасониҳо дар гузаронидани семинарҳо

Пешниҳодҳои нархҳо барои хизматрасониҳо дар гузаронидани семинарҳо 

Дафтари намояндагии БРСММ дар Тоҷикистон дар якҷоягӣ бо Кумитаи ҳифзи муҳити зисти назди Ҳукумати Ҷумҳурии Тоҷикистон (КҲМЗ) Лоиҳаи «Усулҳои ҳамгироишудаи манзаравӣ барои таҳкими тобоварӣ ба тағйирёбии иқлим миёни хоҷагиҳои деҳқонии хурд ва чорводорон дар Тоҷикистон»-ро амалӣ менамояд, ки аз ҷониби Фонди Адаптатсионӣ (ФА) маблағгузорӣ мегардад.                                                                                                                                        

Ҳадафи Лоиҳаи пешниҳодгардида, ин баланд бардоштани воситаҳои зиндагии деҳқонон ва чорводорони хурд дар ҳавзаи дарёи Кофарниҳон дар шароити дарпешистодаи тағйирёбии иқлим мебошад. Ин шароит афзоиши суръат ва шиддатнокии ҳодисаҳои иқлимии ғайриоддӣ ба монанди боришоти шадид, обхезӣ, баланд шудани ҳарорати ҳаво ва обшавии босуръати пиряхҳоро дар бар мегирад. Дар натиҷа, офатҳои обуҳавоӣ, ба монанди хушксолӣ, обхезӣ, ҷоришавии сел ва лағзиши замин бештар рух медиҳанд ва суръати эрозияи хок дар саросари кишвар афзоиш меёбад.

Лоиҳа ширкатҳои ҳавасманд ва соҳибкорони хусусиро, ки дар Ҷумҳурии Тоҷикистон ба қайд гирифта шудаанд, барои расонидани хизматрасониҳо дар гузаронидани семинарҳо ва хизматрасониҳои логистикӣ даъват менамояд.

Ширкати ҳавасманд бояд ҳуҷҷатҳои зеринро пешниҳод кунад:

·         Ҳуҷҷатҳои бақайдгирии ширкат/иқтибос аз андоз

·         РМА

·         Тафсилоти суратҳисоби бонкӣ

Интизор меравад, ки хизматрасонҳо ҳамаи дастурҳо, шаклҳо, қоидаҳо ва мушаххасотро бодиққат меомӯзанд ва риоя мекунанд.

Кушодани пешниҳодҳо

Лифофаҳо дар ҳузури аъзоёни Коммиссияи озмунии таъингардида ва ёвари бахши хариди Лоиҳа кушода мешаванд.

Баҳогузорӣ

Пешниҳодҳо аз рӯи меъёрҳои зерин арзёбӣ мешаванд:

·         Нархи умумӣ барои ташкили 2 маротиба қаҳванӯшӣ, 1 маротиба хӯроки нисфирӯзӣ дар ҳудуди то 20 нафар дар ноҳияҳои Шаҳритус, Қабодиён, Носири Хусрав, Варзоб, Ваҳдат ва Файзобод

·         Қабули шартҳои пардохти Лоиҳа

·         Имконияти ташкил намудани семинару вохӯриҳо дар ҷойҳои лозима

Қоидаҳои пешниҳоди дархостҳо

• Нархи пешниҳод бояд тамоми андозҳои ҳатмиро дар бар гирад.
• Пардохт танҳо тавассути интиқоли бонк анҷом дода мешавад.
• Нишон додани муҳлати иҷрои фармоиш.

ШАКЛ ВА МУҲЛАТИ ПЕШНИҲОД

Пешниҳодҳо на дертар аз 27/02/2023 то соати 17:00 қабул карда мешаванд.

Пешниҳоди дархостҳо

·         Ширкатҳои ҳавасманд метавонанд бастаи дархостҳои худро тавассути почтаи электронӣ бо возеҳ нишон додани вазифа дар сатри "Мавзӯъ" пешниҳоди тиҷоратӣ барои гузаронидани семинарҳо ва хизматрасониҳои логистикӣ пешниҳод намоянд.

·         Почтаи электронӣ: nurkhon.nazarov@undp.org ва  нусха radjabov.khursched@gmail.com                                                                                                          Телефон барои тамос: (+99) 2367655                                                                                                                                                                                                             

Инчунин, бастаи дархостҳои чопкардашударо дар лифофа бо нишон додани номгӯи пешниҳоди тиҷоратӣ барои гузаронидани семинарҳо ва хизматрасониҳои логистикӣ навишта шуда, ба суроғаи зерин пешниҳод кардан мумкин аст: Кумитаи ҳифзи муҳити зисти назди Ҳукумати Ҷумҳурии Тоҷикистон, шаҳри Душанбе, кӯчаи Шамсӣ 5/1, Лоиҳаи «Усулҳои ҳамгироишудаи манзаравӣ барои таҳкими устуворӣ ба тағйирёбии иқлим миёни хоҷагиҳои деҳқонии хурд ва чорводорон дар Тоҷикистон».

Пардохт:

Ҳамаи пардохтҳо ба суратҳисоби хизматрасон тавассути бонк гузаронида мешаванд. Пардохтҳо пас аз қабули хизматрасонӣ аз ҷониби намояндагони Лоиҳа ва ҳангоми гирифтани варақаи аслӣ ва ҳисобнома-фактура анҷом дода мешаванд.