Озмунҳо | Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲО
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон




    09.12.2022

    Эълон барои ишғоли вазифаи ёвари молияви ва маъмурии Лоиҳа

    Ташкилот:                                        КҲМЗ/БОҶ
    Вазифа:                                           Ёвари молиявии ва маъмурии Лоиҳа
    Рамзи мушаххаси Лоиҳа:              FP067

    Маълумоти умумӣ

    Лоиҳаи «Ба вуҷуд овардани устувории ҷомеаҳои осебпазир аз нигоҳи озуқаворӣ ноамн ба пайомадҳои иқлимӣ аз тариқи тақвияти тавонмандӣ ва гуногунсозии воситаҳои рӯзгузаронӣ дар минтақаҳои кӯҳистонии Тоҷикистон» иқтидори мутобиқшавии ҷомеаҳои осебпазир аз нигоҳи озуқаворӣ ноамн ба пайомадҳои иқлимӣ, дар ноҳияҳои водии Рашт, Хатлон ва Вилояти Мухтори Кӯҳистони Бадахшон афзоиш медиҳад. 
                                                             

    Уҳдадориҳо ва масъулиятҳо

    Ёвари молиявӣ ва маъмурӣ барои таҳияи ҳама амалиёти молиявӣ ва пешбурди ҳисобҳо барои таъмини иҷрои тадбирҳои дар Шартнома пешбинишуда масъул буда, таҳти роҳбарии умумии Кумитаи ҳифзи муҳити зисти назди Ҳукумати Ҷумҳурии Тоҷикистон (КҲМЗ) – Гурӯҳи дастгирии Лоиҳа уҳдадириҳо ва масъулиятҳои зеринро иҷро менамояд:
    • Идоракунии молиявии Лоиҳа, аз ҷумла ҳисобҳои лоиҳа, мувофиқи дастурҳо ва қоидаҳои дахлдор нигоҳ дошта шаваданд.
    • Истифодаи расмиёти хаттӣ барои фаъолияти системаи идоракунии молиявии Лоиҳа ва навсозии бахши Идоракунии молиявӣ ва дигар маводҳои идоракунии лоиҳа дар ҳолати зарурӣ.
    • Муқоисаи мунтазами бақияи суратҳисоби бонкӣ бо суратҳисобҳои лоиҳа.
    • Дар таҳияи буҷети солонаи лоиҳа ширкат варзида, банақшагирии молиявиро дар ҳамкорӣ бо мутахассисон оид ба пардохт ва харид ва дигарон дар ҳолати зарурӣ амалӣ намояд.
    • Идоракунии лоиҳа, логистика ва идоракунии харид.
    • Сари вақт ва самаранок анҷом додани хариди маъмурӣ ба Гурӯҳи дастгирии Лоиҳа дар хариди молҳо ва хидматҳо барои амалиёти самараноки саҳроӣ.
    • Ҷамъоварии маълумот, омода ва ирсол намудани ҳуҷҷатҳо барои дастгирии бомуваффақияти харид бо риояи равандҳои стандартӣ.
    • Барраси, сабт ва афзалият додани дархостҳои харид, кафолат додани он, ки ҳамаи ҳуҷҷатҳои тасдиқкунанда қабул карда мешаванд.
    • Мутобиқи дастурҳои идоракунии молиявӣ, баҳисобгирӣ, ҳисоботдиҳӣ ва аудити тамоми расмиёти зарурирӣ.
    • Таҳия ва пешниҳод кардани ҳисоботҳои семоҳа ба КҲМЗ ва БОҶ дар санаҳо ва усулҳои дар Созишномаи Лоиҳа муайяншуда.
    • Ҳисоботи молиявии лоиҳа ҳамасола аз ҷониби аудитори беруна тафтиш карда мешавад. Ҳар як аудит бояд давраи як соли молиявиро дар бар гирад (январ-декабр).
    • Пешбурди феҳристи воситаҳои асосӣ барои таҷҳизоти аз ҳисоби лоиҳа харидашуда.
    • Иҷрои тавсияҳои назорати молиявии КҲМЗ ва БОҶ ва аудиторҳои беруна.
    • Талаботҳои ҳисоботии Кумитаи андози назди Ҳукумати Ҷумҳурии Тоҷикистон, Агентии омори назди Прездиденти Ҷумҳурии Тоҷикистон, Палатаи ҳисоби Ҷумҳурии Тоҷикистон ва дигар мақомотҳои давлати Ҷумҳурии Тоҷикистон риоя карда шавад.
    • Нигоҳдорӣ ва бойгонии баҳисобгирии муҳосибӣ ва молиявӣ.

    Таҷрибаи корӣ ва малакаҳо

    • Ҳадди ақал 5 сол таҷрибаи корӣ дар соҳаҳои дахлдор (иқтисод/экология/муҳити зист/иҷтимоӣ).

    • Таҷрибаи кории собитшуда дар лоиҳаҳои байналмилалӣ бо донистиани расмиёти молиявии Ҷумҳурии Тоҷикистон.

    • Малака/таҷриба дар истифодабарии барномаи 1-C Enterprise Accounting.

    • Таҷрибаи 2 сол ё бештар аз он дар фаъолияти хариди маъмурӣ.

    • Таҷриба дар истифодаи компютер ва бастаҳои нармафзори дафтари корӣ (MS Word, Excel ва ғайра), инчунин дониши амиқи ҷадвалҳои электронӣ ва бастаҳои додапойгоҳ.

    • Малакаҳои хуби ташкилотӣ, муоширати шифоҳӣ, махсусан малакаҳои навиштани гузориш ва иртиботи суроғаи электронӣ.

    Таҳсилот

    Таҳсилоти олӣ дар соҳаи идоракунии давлатӣ, иқтисод ё дигар бахшҳои дахлдор, ба дорандагони дараҷаи илмӣ афзалият дода мешавад.

    Забондонӣ

    Равон ва комил донистани забонҳои тоҷикӣ, русӣ ва англисӣ ҳатмист.

    Мӯҳлати дархост

    Аз номзадҳои ҳавасманд хоҳиш карда мешавад, ки тарҷумаи ҳол ва мактуби муқаддимавии худро дар ҳаҷми на бештар аз як саҳифа бо забони англисӣ, русӣ ё тоҷикӣ бо маълумоти дахлдор ва таҷрибаи касбии худ ба суроғаи электронии psuceptj@gmail.com бо возеҳ нишон додани вазифа дар сатри "Мавзӯъ" то санаи 20 декабри соли 2022, соати 18:00 ба вақти Душанбе, Тоҷикистон ирсол намоед.


    Танҳо номзадҳои мувофиқ ба мусоҳиба даъват карда мешаванд.


    Бозгашт