Озмунҳо | Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲО
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон




    09.12.2022

    Эълон барои ишғоли вазифаи ёвари менеҷери Лоиҳа

    Ташкилот:                                        КҲМЗ/БОҶ
    Вазифа:                                           Ёвари менеҷери Лоиҳа
    Рамзи мушаххаси Лоиҳа:              FP067

    Маълумоти умумӣ

    Лоиҳаи «Ба вуҷуд овардани устувории ҷомеаҳои осебпазир аз нигоҳи озуқаворӣ ноамн ба пайомадҳои иқлимӣ аз тариқи тақвияти тавонмандӣ ва гуногунсозии воситаҳои рӯзгузаронӣ дар минтақаҳои кӯҳистонии Тоҷикистон» иқтидори мутобиқшавии ҷомеаҳои осебпазир аз нигоҳи озуқаворӣ ноамн ба пайомадҳои иқлимӣ, дар ноҳияҳои водии Рашт, Хатлон ва Вилояти Мухтори Кӯҳистони Бадахшон афзоиш медиҳад. 
                                                             

    Уҳдадориҳо ва масъулиятҳо

    Ёвари менеҷери Лоиҳа барои ноил гардидан ба натиҷаҳои назаррас, пешгӯи намудан ва мусоидат ба ҳалли масъалаҳои мураккаб роҷеъ ба татбқи Лоиҳа таҳти роҳбарии умумии Кумитаи ҳифзи муҳити зисти назди Ҳукумати Ҷумҳурии Тоҷикистон (КҲМЗ) – Гурӯҳи дастгирии Лоиҳа (ГДЛ) уҳдадириҳо ва масъулиятҳои зеринро иҷро менамояд:
    • Таъмин намудани ҳамкории зич байни КҲМЗ ва БОҶ, иштироки фаъолона дар татбиқи ҳамарӯзаи Лоиҳа.
    • Ҷамъоварӣ, сабт ва нигоҳ доштани маълумот дар бораи фаъолияти Лоиҳа, аз ҷумла мукотиба ва иртибот.
    • Ҳамоҳангсозӣ ва табодули иттилоот бо шарикони татбиқкунандаи Лоиҳа бо мақсади дастгирии ҳамкории самаранок ва мониторинги фаъолияти Лоиҳа.
    • Иштирок ва пешниҳоди беҳбудиҳо дар татбиқи Лоиҳа, мониторинг ва гузоришдиҳӣ дар бораи пешрафти лоиҳа.
    • Ҷамъоварии маълумот, таҳияи ҳисоботҳо барои қарорҳои лозима.
    • Мусоидат дар ташкили таъминоти моддию техникӣ ва пешниҳоди ғояҳои техникӣ барои вохӯриҳо, тренингҳо ва семинарҳо.
    • Таҳияи рӯзнома ва ташкили сафарҳо ва вохӯриҳои марбут ба фаъолияти Лоиҳа барои дастгирии муоширати муассир ва кори самаранок, навиштани протоколҳои вохӯриҳо.
    • Дар тамос будан бо шарикони татабиқкунадаи Лоиҳа, ташкилотҳои ғайридавлатӣ ва ниҳодҳои давлатӣ.
    • Кӯмак дар ҳамаи мушкилиҳо ва масъалаҳои таъҷилии Лоиҳа.

    Таҷрибаи корӣ ва малакаҳо

    • Ҳадди ақал 3 сол таҷрибаи корӣ дар соҳаҳои дахлдор (робитаҳои байналмилалӣ/экология/муҳити зист/иҷтимоӣ).

    • Таҷрибаи кории собитшуда дар лоиҳаҳои байналмилалӣ бо донистани расмиёти ниҳодҳои давлатии Ҷумҳурии Тоҷикистон.

    • Таҷриба дар истифодаи компютер ва бастаҳои нармафзори дафтари корӣ (MS Word, Excel ва ғайра).

    • Малакаҳои хуби ташкилотӣ, муоширати шифоҳӣ, махсусан малакаҳои навиштани гузориш ва иртиботи суроғаи электронӣ.

    Таҳсилот

    Таҳсилоти олӣ дар соҳаи идоракунии давлатӣ, иқтисод, муносибатҳои байналмиалӣ ва ё дигар бахшҳои дахлдор, ба дорандагони дараҷаи илмӣ афзалият дода мешавад.

    Забондонӣ

    Равон ва комил донистани забонҳои тоҷикӣ, русӣ ва англисӣ ҳатмист.

    Мӯҳлати дархост

    Аз номзадҳои ҳавасманд хоҳиш карда мешавад, ки тарҷумаи ҳол ва мактуби муқаддимавии худро дар ҳаҷми на бештар аз як саҳифа бо забони англисӣ, русӣ ё тоҷикӣ бо маълумоти дахлдор ва таҷрибаи касбии худ ба суроғаи электронии psuceptj@gmail.com бо возеҳ нишон додани вазифа дар сатри "Мавзӯъ" то санаи 20 декабри соли 2022, соати 18:00 ба вақти Душанбе, Тоҷикистон ирсол намоед.

    Танҳо номзадҳои мувофиқ ба мусоҳиба даъват карда мешаванд.


    Бозгашт