Дархости пешниҳоди хизматрасониҳо барои сафарбаркунӣ ва такмили ихтисоси ҷомеаи деҳот дар соҳаи устувории иқлим

Дархости пешниҳоди хизматрасониҳо барои сафарбаркунӣ ва такмили ихтисоси ҷомеаи деҳот дар соҳаи устувории иқлим

Дафтари намояндагии БРСММ дар Тоҷикистон дар якҷоягӣ бо Кумитаи ҳифзи муҳити зисти назди Ҳукумати Ҷумҳурии Тоҷикистон (КҲМЗ) Лоиҳаи «Усулҳои ҳамгироишудаи манзаравӣ барои таҳкими тобоварӣ ба тағйирёбии иқлим миёни хоҷагиҳои деҳқонии хурд ва чорводорон дар Тоҷикистон»-ро оғоз менамояд, ки аз ҷониби Фонди Адаптатсионӣ маблағгузорӣ мегардад.                                                                                                                                        

Ҳадафи Лоиҳаи пешниҳодгардида, ин баланд бардоштани воситаҳои зиндагии деҳқонон ва чорводорони хурд дар ҳавзаи дарёи Кофарниҳон дар шароити дарпешистодаи тағйирёбии иқлим мебошад. Интизор меравад, ки чунин шароит афзоиши суръат ва шиддатнокии ҳодисаҳои иқлимии ғайриоддӣ ба монанди боришоти шадид, обхезӣ, баланд шудани ҳарорати ҳаво ва обшавии босуръати пиряхҳоро дар бар мегирад. Дар натиҷа, офатҳои обуҳавоӣ, ба монанди хушксолӣ, обхезӣ, ҷоришавии сел ва лағжиши замин бештар рӯй медиҳанд ва суръати эрозияи хок дар саросари кишвар афзоиш меёбад.

Дар доираи Лоиҳаи мазкур ташкилотҳо, ширкатҳо ва ассотсиатсияҳои соҳибихтисосро барои пешниҳоди хизматрасониҳо даъват карда мешаванд.

Шакл ва муҳлати пешниҳодҳо

• Пешниҳодҳо бояд ба суроғаи почтаи электронӣ: nurkhon.nazarov@undp.org ва radjabov.khursched@gmail.com фиристонида шаванд ва ё мустақиман ба Лоиҳа воқеъ дар КҲМЗ, кӯчаи Шамсӣ 5/1 Лоиҳаи «Усулҳои ҳамгироишудаи манзаравӣ барои таҳкими тобоварӣ ба тағйирёбии иқлим миёни хоҷагиҳои деҳқонии хурд ва чорводорон дар Тоҷикистон» дастрас карда шаванд.

Пешниҳодҳо на дертар аз 11/10/2022 то соати 17:00 қабул карда мешаванд.

• Пешниҳодҳое, ки пас аз сана ва вақти болозикр пешниҳод мегарданд, қабул карда намешаванд.
• Барои маълумоти иловагӣ метавонед бо телефони (+99) 2367655 аз соати 09:00-17:00 то 11/10/2022 дар тамос шавед.
• Супориши техникӣ ва ё ҳаҷми хизматрасониҳо метавонанд тавассути почтаи электронӣ дархост карда шаванд.

Ширкатҳои ҳавасманд ва ё соҳибкорони хусусӣ бояд ҳуҷҷатҳои зеринро пешниҳод кунанд:

·         Маълумоти мухтасар оиди фаъолиятҳои ширкат

·         Қайди расмӣ ва Оинномаи ширкат

·         Литсензия барои гузаронидан ва ё иҷро намудани корҳои марбута ва дигар ҳуҷҷатҳои тасдиқкунанда

·         Иқтибос аз андоз/литсензия

·         РМА

·         Ҳисобот/тавозуни ширкат ва ё корхона

·         Тафсилоти суратҳисоби бонкӣ ва дигар ҳуҷҷатҳои тасдиқкунанда

Интизор меравад, ки ширкатҳои ҳавасманд ҳамаи дастурҳо, шаклҳо, қоидаҳо ва мушаххасотро бодиққат меомӯзанд ва риоя мекунанд. Ҳар як пешниҳоде, ки пас аз мӯҳлати муқарраршуда пешниҳод карда мешавад, баррасӣ карда намешавад.

Баҳогузорӣ

Пешниҳодҳо аз ҷониби аъзоёни Коммиссияи озмунии таъингардида баҳогузорӣ карда мешаванд ва аз рӯи меъёрҳои зерин арзёбӣ мешаванд:

·         Нархи умумӣ

·         Таҷрибаи корӣ дар самти пешниҳоди хизматрасонӣ оид ба гузаронидани омӯзиш ва баланд бардоштани иқтидор оид ба тағйирёбии иқлим, устувории иқлим, воситаҳои зиндагӣ, гузаронидани тадқиқот, таҳияи воситаҳо ва усулҳои баланд бардоштани некӯаҳволӣ ва иқтидори устувори иқлим

·         Таҷрибаи корӣ бо мақомотҳои давлатии Тоҷикистон ва бахши хусусӣ. Таҷриба бо созмонҳои байналмилалӣ бартарӣ дорад.

·         Қабули шартҳои пардохти Лоиҳа

Қоидаҳои пешниҳоди дархостҳо

• Нархҳои пешниҳодшаванда бояд тамоми пардохтҳои ҳатмиро дар бар гиранд.
• Нишон додани муҳлати иҷрои корҳо
• Лутфан дар сатри мавзӯъи почтаи электронӣ ва ё болои лифофа: “Пешниҳоди хизматрасониҳо барои сафарбаркунӣ ва такмили ихтисоси ҷомеаи деҳот дар соҳаи устувории иқлим ” нависонда шавад.

Пардохтҳо:

Ҳамаи пардохтҳо ба суратҳисоби иҷрокунанда тавассути бонк гузаронида мешаванд.

Рафти қабули корҳои иҷрогардида

Мутасадиёни техникии Лоиҳа рафти хизматрасониҳоро мавриди баррасӣ ва баҳогузорӣ қарор медиҳанд. Онҳо ҳама гуна шарҳҳоро медиҳанд ё номувофиқатиҳоро дар рафти расонидани хизматрасониҳо нишон медиҳанд. Агар ҳангоми баррасӣ ва баҳогузорӣ муайян карда шавад, ки хизматрасониҳои ба анҷом расонидашуда ба талаботи шартнома мувофиқат мекунанд, Лоиҳа хизматрасониҳои иҷрогардидаро қабул намуда, маблағгузориро ба роҳ мемонад.