Эълон барои пешниҳоди хизматрасониҳои машваратӣ

Эълон барои пешниҳоди хизматрасониҳои машваратӣ

Ташкилот:                                   БРСММ/КҲМЗ

Вазифа:                                      Коршиноси миллӣ оиди идоракунии ҳавзаи дарёи Кофарниҳон (ҲДК)   (Реҷа: рӯзи кории нопурра) -1 нафар.

Рамзи мушаххаси Лоиҳа:          111538

Соҳаи амалия – Тавсифи кор:   Муҳити зист ва коҳиши офатҳои табиӣ - ТАҒЙИРЁБИИ ИҚЛИМ, КОҲИШИ ОФАТҲОИ ТАБИӢ, ЭНЕРГЕТИКА ВА МУҲИТИ ЗИСТ

Муҳлати ниҳоии

пешниҳоди дархост:                  13.06.2022  (душанбе, соати 17:00-и вақти маҳаллӣ )

Навъи шартнома:                       Инфиродӣ

Муҳлати амали шартнома:         3 моҳ бо имконияти тамдиди он

Маълумоти умумӣ

Дафтари намояндагии БРСММ дар Тоҷикистон дар якҷоягӣ бо Кумитаи ҳифзи муҳити зисти назди Ҳукумати Ҷумҳурии Тоҷикистон (КҲМЗ) Лоиҳаи «Усулҳои ҳамгироишудаи манзаравӣ барои таҳкими тобоварӣ ба тағйирёбии иқлим миёни хоҷагиҳои деҳқонии хурд ва чорводорон дар Тоҷикистон»-ро оғоз менамояд, ки аз ҷониби Фонди Адаптатсионӣ маблағгузорӣ мегардад.                                                                                                                                        

Ҳадафи Лоиҳаи пешниҳодгардида, ин баланд бардоштани воситаҳои зиндагии деҳқонон ва чорводорони хурд дар ҳавзаи дарёи Кофарниҳон (ҲДК) дар шароити дар пешистодаи тағйирёбии иқлим мебошад. Интизор меравад, ки чунин шароит афзоиши босуръат ва шиддатнокии ҳодисаҳои иқлимии ғайриоддӣ ба монанди боришоти шадид, обхезӣ, баланд шудани ҳарорати ҳаво ва обшавии босуръати пиряхҳоро дар бар мегирад. Дар натиҷа, офатҳои обуҳавоӣ ба монанди хушксолӣ, обхезӣ, ҷоришавии сел ва лағзиши замин бештар рӯй медиҳанд ва суръати эрозияи хок дар саросари кишвар афзоиш меёбад.

Коршиноси миллӣ таҳти роҳбарии умумии Директори миллии Лоиҳа, сармушовири техникӣ тавассути Менеҷери Лоиҳа (МЛ) кору фаъолият мекунад. Вай барои ноил шудан ба натиҷаҳои пешбинишудаи Лоиҳа ва чорабиниҳое, ки дар нақшаи кории солона муайян карда шудаанд, мувофиқи муносибатҳои шарикона, меъёрҳои сифат, сатҳи буҷет ва мӯҳлатҳои дар ҳуҷҷатҳои Лоиҳа пешбинишуда, ба МЛ кӯмак менамояд.                                                                                 

Уҳдадориҳо ва масъулиятҳо                                                                                                                      

Коршинос таҳти роҳбарии умумии Директори миллии Лоиҳа, сармушовири техникӣ, тавассути МЛ, вазифаҳо ва масъулиятҳои зеринро иҷро мекунад:

• Мусоидат ба сармушовири техникӣ ва МЛ дар таҳияи стратегияи идоракунии ҳамгирошудаи ҳавзаи дарёи

  Кофарниҳон, аз ҷумла андешидани тадбирҳои марбута барои баланд бардоштани иқтидори аҳолӣ дар масъалаҳои тағирёбии иқлим;

• Расонидани маслиҳатҳои техникӣ оид ба банақшагириҳои бисёрсола, баррасии харитаи роҳ, ҳисоботҳои

  техникӣ, ҳисоботҳо оид ба фаъолияти Лоиҳа ва тайёр намудани ҳисоботҳои Лоиҳа ба маблағгузор (ФА);

· Дастгирӣ намудан дар масоили муайянкунӣ, додани афзалият ва татбиқи чораҳои мутобиқсозии экосистемавӣ дар ҳавзаи обҷамъкунӣ (интихоб ва тарҳрезии қитъаҳои намоишӣ);

· Мусоидат намудан дар таҳияи механизмҳои равона ба рушди масоили институтсионалӣ ва идоракунии ҳавзаҳои ба иқлим тобовар;

• Мусоидат намудан дар таъсиси хизматрасониҳои агроэкологӣ дар ҲДК ва иҷрои дигар ӯҳдадориҳо ва вазифаҳое, ки аз ҷониби роҳбарият, МЛ муайян ва ё пешниҳод мегарданд.  

Салоҳиятҳо

Таҳсилот:                                                                                                                                                                                                            

·         Ҳадди ақал таҳсилоти олӣ дар соҳаҳои муҳити зист,ҷангал, иқтисод, захираҳои табиӣ, молия ва ё соҳаи ба он наздик.  Доштани дараҷаи баъди дипломӣ афзалият хоҳад дошт.

-      

Таҷрибаи корӣ:

-       Доро будан ба таҷрибаи ҳадди аққал 7 сола дар тарҳрезии сиёсатҳо, стратегияҳои алоқаманд ба масъалаҳои иқлимӣ, иртибототи миллӣ, гузоришҳои навсозии дусола ва шабеҳи марбут ба иқлим.

-       Таҷрибаи 5-солаи собитшудаи корӣ дар муассисаҳои миллии муҳити зист ва тағирёбии иқлим дар Ҷумҳурии Тоҷикистон.

Талаботҳои вобаста ба забондонӣ:                

- Ба таври равон ва комил донистани забонҳои тоҷикӣ, русӣ  ва англисӣ дар шакли хаттӣ ва шифоҳӣ.

Дигар:

-       Малакаҳои қавии байнишахсӣ, махсусан, сифатҳои дидашавандаи роҳбарии даста ва малакаҳои хуби муоширати шифоҳӣ.

-       Нишон додани ҳассосият ва қобилияти мутобиқшавии ба хусусиятҳои фарҳангӣ, гендерӣ, нажодӣ, миллат ва синну сол.

-       Малакаҳои баланди банақшагирӣ, созмонӣ ва идоракунии вақт, аз ҷумла тағйирпазирӣ, таваҷҷуҳ ба ҷузъиёт ва қобилияти кор кардан таҳти мамониятҳо барои анҷоми корҳо дар муҳлатҳои пешбинишуда.

-       Қобилияти зуд мутобиқ шудан ба тағйиротҳо ва ором будан ҳангоми рӯ ба рӯ шудан ба мамониятҳо;                        

Маҳорату малака дар соҳаи ТИ (IT):                                                                                                                     

    -Таҷриба дар истифодаи компютер ва бастаҳои нармафзори дафтари корӣ (MS Word, Excel ва ғайра), инчунин дониши амиқи ҷадвалҳои электронӣ ва бастаҳои додапойгоҳ;

    -Ба доштани таҷриба дар системаҳои идоракунии ба веб асосёфта бартарӣ дода мешавад.

Пешниҳоди дархостҳо

Номзадҳои баландихтисос метавонанд бастаи дархостҳои худро (ариза, тарҷумаи ҳол (CV) ва нусхаи дигар ҳуҷҷатҳои тасдиқкунанда) бо забонҳои тоҷикӣ, русӣ ва англисӣ тавассути почтаи электронӣ бо возеҳ нишон додани вазифа дар сатри "Мавзӯъ" пешниҳод намоянд.

Шахси тамос дар Лоиҳа: Нурхон Назаров;

Почтаи электронӣ: nurkhon.nazarov@undp.org

Телефон: +992 949999180                                                                                                                                                                                                          

Ҳамчунин, бастаи дархостҳои чопкардашударо дар лифофа бо нишон додани вазифаи холӣ ба суроғаи зерин пешниҳод кардан мумкин аст: Кумитаи ҳифзи муҳити зисти назди Ҳукумати Ҷумҳурии Тоҷикистон, шаҳри Душанбе, кӯчаи Шамсӣ 5/1, Лоиҳаи «Усулҳои ҳамгироишудаи манзаравӣ барои таҳкими устуворӣ ба тағйирёбии иқлим миёни хоҷагиҳои деҳқонии хурд ва чорводорон дар Тоҷикистон».

Эзоҳ:  Ба номзадҳои занони баландихтисос пешниҳод намудани дархостҳо ба вазифаи мазкур бо таъкиди қавӣ тавсия дода мешавад.