Озмунҳо | Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон




    20.05.2020

    Озмуни ҷумҳумҳуриявӣ дар мавзӯи «Ҳифзи табиат –асоси рушди сайёҳӣ» моҳи сентябри соли 2020 ҷамъбаст мегардад

    Кумитаи ҳифзи муҳити зисти назди Ҳукумати Ҷумҳурии Тоҷикистон бо мақсади татбиқи  сиёсати Ҳукумати Ҷумҳурии Тоҷикистон оид ба баланд бардоштани сатҳи маърифати экологии аҳолӣ, омодагӣ ҷиҳати ташвиқу тарғиби Даҳсолаи байналмилалии амал «Об барои рушди устувор, солҳои 2018-2028», «Солҳои рушди деҳот, сайёҳӣ ва ҳунарҳои мардумӣ» ва омодагӣ ба ҷашни 30-солагии Истиқлолияти давлатии Ҷумҳурии Тоҷикистон байни хонандагони муассисаҳои таҳсилоти миёнаи умумӣ дар мавзӯи «Муҳити зисти солим-асоси рушди солимии ҷомеа» озмун эълон намуда буд. Дар ин бора фармоиши Раиси Кумита аз 5 феврали соли 2020, №19 ҷиҳати дарёфти Дипломи раиси Кумитаи ҳифзи муҳити зисти назди Ҳукумати Ҷумҳурии Тоҷикистон  барои хонандагони синфҳои 1-4, 5-8, 9-11 дар 6 номинатсия (расми беҳтарин, шеъри беҳтарин, ҳикояи беҳтарин, сурати беҳтарин, видеоролики беҳтарин, кори меъмории беҳтарин) ба имзо расидааст.

    Озмунҳои эҷодӣ байни хонандагон ҳамасола то Рӯзи умумиҷаҳонии муҳити зист 5-июн ҷамъбаст гардида, ба ғолибон диплому ифтихорномаҳо ва мукофотҳои пулӣ дар чорабинии тантанавӣ супорида мешуданд.

    Аммо бо сабаби хуруҷи бемории вируси нави COVID-19 ҷиҳати ҳифзи саломатии аҳолӣ, маҳдуд гардидани чорабиниҳои оммавӣ ва ба таътил фаро гирифтани хонандагони муассисаҳои таҳсилоти миёнаи умумӣ ҷамъбасти озмуни мазкур то моҳи сентябри соли 2020, тамдид карда мешавад.



    Телефонҳо барои маълумоти иловагӣ:

                        235-44-30, 777-16-22-75

    Бозгашт