Вохурии раиси Кумита Шерализода Б. А. бо коршиноси байналмилалии Ташкилоти умумиҷаҳонии ЮНЕСКО Алексей Буторинг
Ҳафтаи равон раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Б. А. бо коршиноси байналмилалии Ташкилоти умумиҷаҳонии ЮНЕСКО Алексей Буторинг вохӯрӣ намуд. Дар вохӯрӣ масъалаи омода ва ворид намудани номинатсияи Мамнуъгоҳи давлатии «Бешаи палангон» ба рӯйхати мероси умумиҷахонии ЮНЕСКО мавриди баррасӣ қарор дода шуд.
Вобаста ба масъалаи мавриди назар Алексей Буторинг оид ба талаботҳои омоданамоии номинатсия, тибқи тартиби муқарраргардида, аз тарафи Ҳукумати Ҷумҳурии Тоҷикистон ва вазорату идораҳои дахлдор ба раиси Кумита маълумот дод. Оид ба ҳамаи масъалаҳои бамиёнгузошта ҳусни тафаҳум сурат гирифта, изҳорӣ боварӣ карда шуд, ки номинатсияи Мамнуъгоҳи давлатии «Бешаи палангон» дар сатҳи касбӣ омода мегардад ва ба Дафтари мероси умумиҷахонии ЮНЕСКО ба шаҳри Парижи Франсия дар наздиктарин муҳлат ирсол карда мешавад.
Ҷонибҳо оид ба масъалаҳои баррасигардида ба мувофиқа расиданд.