| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Вохӯрии раиси Кумитаи ҳифзи муҳити зист бо директори Агентии Оғохон оид ба муҳити зист дар Глазго
    Ахбор

    Вохӯрии раиси Кумитаи ҳифзи муҳити зист бо директори Агентии Оғохон оид ба муҳити зист дар Глазго

    Дар ҳошияи Конфронси 26-уми тарафҳои Конвенсияи СММ оид ба тағйирёбии иқлим, ки аз 1 то 12 ноябр дар шаҳри Глазгои Шотландия баргузор гардида истодааст, санаи 3 ноябр вохӯрии Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Б. А. бо директори Агентии Оғохон оид ба муҳити зист ҷаноби Ҳодӣ Ҳусайнӣ баргузор гардид.

    Дар вохӯрӣ масъалаҳои ҳамкориҳои тарафҳо дар самти баргузории мониторинги пиряхҳо, мониторинги офатҳои табиӣ, баланд бардоштани малакаи кормандони Агентии обуҳавошиносӣ дар самти пешгӯии обу ҳаво, мониторинги пиряхҳо ва кӯлҳои пиряхӣ, инчунин дар самти ҳифзи ҳайвоноти нодир муҳокима гардиданд.

    Аз ҷониби раиси Кумита пешниҳод гардид, ки ҳамкориҳо дар самти баргузории мунтазами мониторинги пиряхҳо бо истифодаи чархбол ва дрон, бо иштироки фаъоли Агентии Оғохон оид ба муҳити зист, тақвият додани ҳамкорӣ дар самти ҳифзи ҳайвоноти нодири ин минтақа, аз ҷумла бабри барфӣ, инчунин таҳия ва татбиқи лоиҳаҳои грантӣ дар самти мутобиқшавӣ ва коҳиш додани таъсири манфии паёмадҳои тағйирёбии иқлим  густариш дода шаванд.

    Дар вохӯрӣ ҷонибҳо оид ба густариши ҳамкориҳо дар самти масъалаҳои муҳокимагардида ба мувофиқа расиданд.


    Бозгашт