Табрикоти Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон бахшида ба муносибати 30 - солагии Истиқлолияти давлатии Ҷумҳурии Тоҷикистон
Ҳамкорони азиз, дӯстдорони табиат!
Имрӯзҳо тамоми мардуми шарафманди Тоҷикистон бузургтарин ва муқаддастарин ҷашни давлатии кишвар - 30-юмин солгарди Истиқлолияти давлатии Ватани азизамонро бо шукуҳу шаҳомати хоса таҷлил менамоянд.
Истиқлолият ба мардуми тоҷик қувваи тавоное бахшида, барои таҳкими сулҳу субот ва ваҳдати миллӣ, ташаккули ғояҳои инсондӯстона ва фарҳанги сиёсию ҳуқуқии мардум дар устувор гаштани давлатдории навин замина гузошт ва барои рушди бемайлони соҳаҳои мухталифи иқтисодию иҷтимоии кишвар шароити заруриро фароҳам овард.
Аз нахустин рӯзҳои ба вазифаи пурмасъули Сарвари давлат интихоб гардиданашон муҳтарам Эмомалӣ Раҳмон дар барқарорсозӣ ва ташаккули пояҳои давлатдории навин, таъмини амнияту оромии ҷомеа, суботи сиёсиву иҷтимоии кишвар тамоми имкониятҳои мавxударо равона намуданд.
Тоҷикистони соҳибихтиёри мо, ҳамчун узви комилҳуқуқи ҷомеаи ҷаҳонӣ ва даҳҳо созмону ташкилотҳои байналмилаливу минтақавӣ дар ҳалли мушкилоти мубрами замон саҳми назарраси худро гузошта истодааст.
Тараққиёти босуръати иқтисодиёти кишвар, ривоҷу равнақи корҳои ободонию созандагӣ дар тамоми қаламрави ҷумҳурö, махсусан дар давоми солҳои 2018-2021 дар доираи омодагӣ ба xашни сазовори 30-солагии Истиқлолияти давлатии Ҷумҳурии Тоҷикистон, ки ба шарофати он шаҳру деҳоти мамлакатамон ҳусни зебои замонавӣ ва зиндагии мардум сифату мазмуни навро пайдо намудаанд, меваҳои шаҳдбори Истиқлоли давлатӣ, хизмату ғамхориҳои доимии Пешвои муаззами миллат муҳтарам Эмомалӣ Раҳмон мебошанд.
Мақомоти ҳифзи табиати Ҷумҳурии Тоҷикистон маҳз бо шарофати Истиқлолияти давлатии кишвар ба яке аз сохторҳои асосӣ ва муҳими давлатӣ табдил ёфт. Тӯли 30 соли Истиқлолият дар сохтори мақомоти давлатӣ оид ба ҳифзи табиати Тоҷикистон тағйироту дигаргуниҳои куллӣ ба вуҷуд омаданд.
Тақвияти қонунгузории соҳавӣ, таҳияи санадҳои меъёрии ҳуқуқии соҳавӣ, қабули татбиrи барномаҳои давлатию соҳавӣ, мукаммал гаштани иқтидори кадрӣ, сохтмони биноҳои маъмурии раёсатҳо, шуъбаю бахшҳои ҳифзи муҳити зист дар шаҳру ноҳияҳои алоҳидаи xумҳурӣ, фаъолияти муназзами марказҳои омӯзишӣ-методӣ, озмоишгоҳҳо, тақвияти иқтидорҳои техникию коммуникатсионии Кумита, ба таври доимӣ ва муташаккил гузаронидани аксияҳои экологӣ, ҷалби бештари табақаҳои гуногуни аҳолӣ ба тоза нигоҳ доштани муҳити зист, таҳрир ва нашри дуюми Китоби сурхи Ҷумҳурии Тоҷикистон нуфузу эътибори соҳаро баланд бардошта, барои фаъолияти босамари Кумита заминаи мусоид фароҳам овард.
Изҳори боварӣ менамоям, ки кормандони маrомоти ҳифзи муҳити зист минбаъд низ дар тозаю озода нигоҳ доштани шаҳру деҳоти ҷумҳурӣ, пешбурди назорати давлатии ҳифзи муҳити зист ва истифодабарии оқилонаи захираҳои табиӣ, таъмини бехатарии экологии аҳолӣ, баланд бардоштани сатҳи маърифати экологии шаҳрвандон, махсусан xавонону наврасон, боз ҳам зебову гуворо гаштани Ватани азизамон аз тамоми имкониятҳои мавҷуда самаранок истифода мебаранд.
Бо истифода аз фурсати муносиб, xашни 30-солагии Истиқлолияти давлатии Тоҷикистони азизро барои тамоми кормандону мутахассисон ва собиқадорони соҳаи ҳифзи муҳити зист, табиатистифодабарандагон, дӯстдорони табиати нотакрори кишвари биҳиштосоямон табрику муборакбод гуфта, дар фаъолияти корию зиндагии онҳо барори кору муваффақиятҳои нав ба навро таманно менамоям.
Иди муқаддаси Истиқлолияти давлатӣ муборак!