| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Рейдҳои муштараки экологӣ дар шаҳри Душанбе
    Ахбор

    Рейдҳои муштараки экологӣ дар шаҳри Душанбе 

    Сарраёсати ҳифзи муҳити зист дар шаҳри Душанбе дар ҳамкории муштарак бо шуъбаи Раёсати экологӣ ва сайёҳии ВКД ҶТ дар шаҳри Душанбе ҷиҳати беҳбуд бахшидан ба ҳифзи ҳавои атмосфера амалиёти муштаракро таҳти унвони «Ҳавои тоза-гарави солимии инсон» роҳандозӣ намуд.

    Бояд қайд намуд, ки амалиёти мазкур аз 15 то 25 феврали соли равон доир гашта, дар ин муддат аз қонуншиканиҳо дар самти муҳити зист пешгирӣ карда шуд.

    Мушоҳидаҳо нишон дод, ки аксари ронандагон ва масъулини сохтмонҳо ба қоидаҳои тозагии саллачархҳои воситаҳои нақлиёт, ки ҳангоми ҳамлу нақли нақлиётҳои боркашонӣ боиси ифлос гардидани кӯчаҳо мегардад, аҳамияти ҷиддӣ намедиҳанд. Дар натиҷа роҳҳо ифлос гашта, боиси нороҳатии мусофирон мегардад. Ҷиҳати рафъи ҳолати мавҷуда нисбати 3 ронандаи воситаи нақлиёт парвандаи маъмурӣ тартиб дода шуд.

    Ҳангоми гузаронидани санҷиши воситаҳои нақлиёт, ки заҳрнокии партови сӯзишвории нақлиёташон (СО2) аз меъёр зиёд буда, нисбати ронандагон 146 протоколи ҳуқукқвайронкунии маъмурӣ тартиб дода, барои чораҷӯӣ ба мақомоти дахлдор ирсол гардид.

    Сарраёсати ҳифзи муҳити зист дар шаҳри Душанбе бо мақсади татбиқи дастуру супоришҳои раиси шаҳри Душанбе ҷиҳати беҳтар намудани ҳолати экологӣ махсусан таъмини беҳтаргардонии ҳифзи ҳавои атмосфера нақша-чорабиниҳои муштарак таҳия намуда, тасмим гирифтааст, ки дар давоми нимсолаи якуми соли ҷорӣ чунин рейдҳои фавриро бо шуъбаи Раёсати экологӣ ва сайёҳии ВКД ҶТ дар шаҳри Душанбе ба роҳ монда, нисбати қонуншиканиҳои ошкоршуда дар самти муҳити зист чораҳои таъхирнопазир андешад.



    Бозгашт