| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Мулоқоти раиси Кумита бо вазири муҳити зист, шаҳрсозӣ ва тағйирёбии иқлими Ҷумҳурии Туркия
    Ахбор

    Мулоқоти раиси Кумита бо вазири муҳити зист, шаҳрсозӣ ва тағйирёбии иқлими Ҷумҳурии Туркия

    8 ноябри соли равон дар доираи Конфронси 26-уми Тарафҳо оид ба тағйирёбии иқлим дар шаҳри Глазгои Британияи Кабир раиси Кумитаи ҳифзи муҳити зисти назди Ҳукумати Ҷумҳурии Тоҷикистон бо вазири муҳити зист, шаҳрсозӣ ва тағйирёбии иқлими Ҷумҳурии Туркия ҷаноби Мурат Курум дар павилиони Осиёи Марказӣ мулоқот намуд.​Раиси Кумита Шерализода Б. А. ба ҷаноби вазир дар бораи ташаббуси Президенти Ҷумҳурии Тоҷикистон муҳтарам Эмомалӣ Раҳмон оид ба эълон гардидани соли 2025 соли ҳифзи пиряхҳо маълумот дод. Раиси Кумита, инчунин қайд намуд, ки зимни баррасии рӯзномаи ҳамкорӣ дар соҳаи муҳити зист, ки дар он самтҳои фаъолият дар соҳаи муҳофизати табиат баррасӣ мегардад. Инчунин, зикр гардид, ки ҳамкорӣ дар самти коркарди партовҳои сахти маишӣ роҳандозӣ шуда истодааст.

    ​Дар навбати худ, вазир Курум М. ба ҷониби Тоҷикистон барои даъват дар боздид аз павилиони Осиёи Марказӣ ва баргузории мулоқоти дуҷониба оид ба ҳамкорӣ дар соҳаи ҳифзи муҳити зист изҳори сипос намуд. Дар бораи ташаббуси бонуи якуми Ҷумҳурии Туркия хонум Эмине Эрдуғон, ки ба кам кардани партовҳои коркарднашаванда нигаронида шудааст, маълумоти бештар пешниҳод ва шарҳ дода шуд. Аз ҷумла, вазир изҳори итминон кард, ки барои ҳамкорӣ дар самтҳои дигари марбута иқтидори бузург вуҷуд дорад.

    Мулоқот дар фазои дӯстӣ ва ҳусни тафоҳум сурат гирифта, оид ба ҳамаи масъалаҳои баррасишуда ҳамдигарфаҳмӣ ҳосил шуд.
       

    Бозгашт