| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲО
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Мулоқоти кории ҳайати Ҷумҳурии Тоҷикистон бо мушовири Фонди Глобалии Экологӣ (GEF) оид ба кишварҳои Осиёи Марказӣ, Озарбойҷон ва Швейтсария
    Ахбор

    Мулоқоти кории ҳайати Ҷумҳурии Тоҷикистон бо мушовири Фонди Глобалии Экологӣ (GEF) оид ба кишварҳои Осиёи Марказӣ, Озарбойҷон ва Швейтсария 

    24 марти соли 2022 ҳайати Ҷумҳурии Тоҷикистон бо Мушовири Фонди Глобалии Экологӣ оид ба Осиёи Марказӣ, Озарбойҷон ва Швейтсария хонум Лукретсия Лендман, ки мутасадии минтақа оид ба рушди тавонмандиро дар Шӯрои интихоботии GEF оид ба ҳифзи муҳити зист мебошад, мулоқот намуд.

    Дар рафти вохӯрӣ Дӯстзода Диловаршоҳ оид ба вазъ ва фаъолияти лоиҳаҳои GEF дар Ҷумҳурии Тоҷикистон дар соҳаи гуногунии биологӣ ва тағйирёбии иқлим, ки бо дастгирии GEF маблағгузорӣ мешаванд, маълумот дод. Дар мулоқот ҳамчунин масъалаҳои таҳияи нави Стратегияи миллӣ доир ба гуногунии биологӣ барои давраи то соли 2030, таҳия ва пешниҳоди дархостҳои лоиҳавӣ дар доираи портфели GEF-8, доир намудани машварати минтақавии ГЭФ дар шаҳри Душанбе ва дастгирии ташаббусҳои минтақавию байналмилалии Тоҷикистон дар доираи Барномаи глобалии ҳифзи гуногунии биологӣ баъди соли 2020 баррасӣ гардиданд.

    Ҳайати Тоҷикистон ба хонум Лукресия дар бораи иқдомоти пешбинишудаи байналмилалӣ ва минтақавӣ, бахусус баргузории чандин конфронсу семинарҳои байналмилалӣ оид ба захираҳои об ва тағйирёбии иқлим ва дигар чорабиниҳо дар Тоҷикистон маълумот дод ва хонум Лукретсия ҳавасмандии худро оид ба дастгирии ин ташаббусҳо иброз намуд.

    Ҷонибҳо ба мувофиқа расиданд, ки машваратҳоро дар ҳама сатҳҳо ҷиҳати дастгирии фаъолиятҳо ва ташаббусҳои банақшагирифташуда дар сатҳи миллӣ ва минтақавӣ идома диҳанд.


    Бозгашт