| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Мулоқоти ҳайати Тоҷикистон бо директори генералии Иттиҳоди байналмилалии ҳифзи табиат
    Ахбор

    Мулоқоти ҳайати Тоҷикистон бо директори генералии Иттиҳоди байналмилалии ҳифзи табиат

    3 марти соли 2022 дар ҳошияи иҷлосияи панҷуми Ассамблеяи Барномаи муҳити зисти Созмони Милали Муттаҳид оид ба муҳити зист мулоқоти Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон бо Директори генералии Иттиҳоди байналхалкии ҳифзи табиат (ИБҲТ) доктор Бруно Оберле баргузор гардид.

    Раиси Кумита Шерализода Б.А. ба намояндагони ИБҲТ аз самтҳои асосии фаъолияти Кумита дар Тоҷикистон маълумот дод. Зимни гуфтушунид зикр гардид, ки дар давоми 5 соли охир дар кишвар беш аз 9 миллион дарахт шинонда шуда, минтақаҳои табиии махсус ҳифзшаванда аз 2,8 фоизи ҳудуди умумии кишвар дар соли 1991 ба 22 дарсади ҳудуди кишвар то соли 2020 васеъ карда шуд. Инчунин зикр гардид, ки дар кишвар барои ҳифз ва зиёд намудани саршумори ҳайвоноти ба Китоби сурх шомилшуда корҳои зиёде гаштаанд.

    Зимни мулоқот ба масъалаи густариши ҳамкориҳои Кумита ва ИБҲТ таваҷҷуҳи махсус дода шуда, самтҳои асосии ин фаъолият дар соҳаи ҳифзи табиат, намудҳои нодири ҳайвоноту наботот ва гузаронидани чорабиниҳои муштараки байналмилалӣ бо фондҳои ҷаҳонӣ муайян карда шуданд.

    Дар навбати худ доктор Оберле қайд кард, ки ИБҲТ ният дорад фаъолияти худро дар Тоҷикистон, аз ҷумла дар соҳаи фаъолияти илмӣ ва нашри муштараки маводи илмии коршиносони ИБҲТ ва мутахассисони тоҷик густариш диҳад.
    Дар фарҷоми вохӯрӣ раиси Кумита аз ҷаноби Оберле даъват намуд, ки дар доираи чорабиниҳои минтақавии банақшагирифташуда дар соли 2022 аз Душанбе дидан намояд.

    Қайд кардан ба маврид аст, ки Иттиҳоди байналмилалии ҳифзи табиат (ИБҲТ - IUCN) як созмони байналмилалии ғайритиҷоратӣ буда, мушкилоти ҳифзи гуногунии биологии сайёраро инъикос мекунад, хабарҳо, конгрессҳои дар кишварҳои гуногун баргузоршуда, рӯйхати намудҳоеро, ки ба ҳифзи махсус ниёз доранд, пешкаш менамояд. Ин созмон дар Маҷмаи Умумии СММ мақоми нозир дорад. Иттиҳодия дар татбиқи як қатор конвенцияҳои байналхалқӣ оид ба ҳифзи табиат ва гуногунии биологӣ нақши калон мебозад. Дар таъсиси Хазинаи умумиҷаҳонии табиат ва Маркази ҷаҳонии мониторинги ҳифзи табиат иштирок намудааст.


    Бозгашт