| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Муаммоҳои экологии минтақаҳои табиии  Ҷумҳурии Тоҷикистон
    Ахбор

    Муаммоҳои экологии минтақаҳои табиии Ҷумҳурии Тоҷикистон

    20220504_1007542 (2).jpg

    4 майи соли ҷорӣ дар толори бинои асосии Донишгоҳи давлатии омӯзгории Тоҷикистон ба номи С. Айнӣ дар ҳамкорӣ бо Сарраёсати ҳифзи муҳити зисти шаҳри Душанбе конфронси ҷумҳуриявии илмӣ-назариявӣ дар мавзӯи “Муаммоҳои экологии минтақаҳои табиии Ҷумҳурии Тоҷикистон” дар доираи силсилаи чорабиниҳои илмӣ бахшида ба “Рӯзи тарбияи экологӣ”, “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” ва Даҳсолаи байналмилалии амал “Об барои рушди устувор, солҳои 2018-2028” баргузор гардид.

    Сардори Сарраёсати ҳифзи муҳити зист дар шаҳри Душанбе Раҳимзода Нурулло бо маърӯза баромад намуда, қайд намуд, ки дар заминаи амалишавии “Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025” қарори дахлдори Маҷлиси вакилони халқи ш.Душанбе аз 9 марти соли 2022 қабул гардида, имрӯзҳо мавриди амал қарор дорад.

    Дар муддати 5 соли охир симои ш.Душанбе тарҳи нав гирифта, фарҳанг ва маърифати экологии сокинон дигаргун ва муносибати онҳо ба корҳои тозагию ободонии маҳалли зист беҳтар гардид. Шаҳрвандон бо дарки масъулият нисбат ба масъалаҳои экологӣ таваҷҷуҳ зоҳир намуда, дар аксия ва ҳашарҳои экологӣ, ки ҳар ҳафта рӯзҳои шанбеву якшанбе доир мегардад, фаъолона иштирок намуда истодаанд. Дар ин радиф саҳми донишгоҳҳои олии пойтахт, махсусан омӯзгорону донишҷӯёни Донишгоҳи давлатии омӯзгории Тоҷикистон ба номи С.Айнӣ нишонрас мебошад.

    Мавзӯҳои конфронс дар се бахш: 1. Таъсири тағйирёбии иқлим ба захираҳои табиӣ; 2. Мушкилоти экологии истифодабарии захираҳои табиӣ ва партовҳо; 3. Масоили тарбияи экологӣ ва омода кардани мутахассисон дар соҳаи ҳифзи муҳити зист” гузаронида шуда, дар маҷмӯъ 62 маърӯза хонда шуд. 


    Бозгашт