| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Фестивали Бабри барфӣ дар деҳаи Саричашмаи ноҳияи Ш. Шоҳин таҷлил гардид
    Ахбор

    Фестивали Бабри барфӣ дар деҳаи Саричашмаи ноҳияи Ш. Шоҳин таҷлил гардид

    Ҳарсола рӯзи 23 октябр ҳамчун Рӯзи байналмилалии ҳифзи бабри барфӣ таҷлил карда мешавад

    Санаи 23 октябри соли 2021 бо ташаббуси Кумитаи ҳифзи муҳити зисти  назди Ҳукумати Ҷумҳурии Тоҷикистон ва Маркази миллии гуногунӣ ва бехатарии биологӣ дар доираи лоиҳаи БРСММ/ФГЭ “Нигоҳдории экосистемаҳои бабри барфӣ ва некуаҳволии ҷомеаҳои маҳаллӣ” дар деҳаи Саричашмаи ноҳияи Шамсидини Шоҳин фестивали бабри барфӣ бо иштироки роҳбарияти мақомоти иҷроияи ҳокимияти давлатии ноҳияи Ш.Шоҳин, Кумитаи ҳифзи муҳити зисти назди Ҳукумати Ҷумҳурии Тоҷикистон, Академияи миллии илмҳои Тоҷикистон, намояндагони Барномаи Рушди Созмони Милали Мутаҳид, меҳмонони дохиливу хориҷӣ ва аҳолии маҳалӣ доир карда шуд. 

    Таҷлили фестивал бо пардабардорӣ аз рӯи муҷассамаи бабри барфӣ дар даромадгоҳи мамнуъгоҳи Даштиҷум дар ҳолати тантанавӣ оғоз гардид. Дар майдони варзишии деҳаи Саричашма намоиши дастовардҳои мардум, намоиши расму мусаввараҳои табиат ва ҳайвоноту набототи нодири ин минтақа ба маърази тамошои иштирокдорон карда шуд.

    Дар фестивал Раиси ноҳияи Шамсиддини Шоҳин Гулзода З. бо сухани ифтитоҳї бармад намуда, иштирокчиёни фестивалро хайрамақдам гуфт. Баъдан муовини Раси Кумитаи ҳифзи муҳити зисти назди Ҳукумати Ҷумҳурии Тоҷикистон Қиёмзода Зарафо, роҳбари дафтари Барномаи Рушди Созмони Милали Мутаҳид дар минтақаи Кўлоб Гулиев Абдулло, роҳбари Маркази миллии гуногунї ва бехатарии биологӣ Акрамов Убайдулло ва меҳмонони хориҷӣ аз кишварҳои Испания, Германия, Эрон ва Афғонистон баромаду суханронӣ намуданд.

    Дар фестивал аз рӯи номинатсияҳои шеъри беҳтарин, суруди беҳтарин, саҳнаи беҳтарин ва ҳунарҳои мардумӣ дар байни хонандагони муассисањои таълимии  деҳаи Саричашма озмунҳо эълон гардида, ғолибони озмун расму мусавараҳо, шеъру сурудҳо, саҳначаҳои театрӣ доир ба табиату ҳифзи ҳайвоноти нодир пешкаши иштирокдорон гардонида шуданд ва ғолибон бо туњфаҳои хотиравӣ сарфароз гардонида шуданд.

      

      

    
    Бозгашт