| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Фаъолияти Кумита дар 9 моҳи соли 2021  натиҷагирӣ карда шуд
    Ахбор

    Фаъолияти Кумита дар 9 моҳи соли 2021 натиҷагирӣ карда шуд

    15 октябри соли 2021 дар шаҳри Душанбе ҷаласаи Мушовараи Кумита оид ба натиҷагирии фаъолияти 9-моҳаи соли 2021 ва вазифаҳо барои ҷамъбасти сазовори соли ҳисоботӣ баргузор гардид. Дар ҷаласа и. в. сардорони сарраёсатҳои ВМКБ, вилоятҳо, шаҳри Душанбе, раёсати ҳифзи муҳити зисти минтақаи Кўлоб, шуъбаву бахшҳои ҳифзи муҳити зисти ноҳияҳои тобеи ҷумҳурӣ, масъулони сохторҳои Дастгоҳи марказии Кумита, роҳбарони лоиҳаҳои татбиқшаванда, Агентии обуҳавошиносӣ ва МД «Ҳудудҳои табиии махсус муҳофизатшаванда» иштирок намуданд.  

    Баъд аз муайян кардани регламенти кори ҷаласаи Мушовара аз ҷониби Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон оид ба фаъолияти 9-моҳаи сохторҳои Кумита муовини Раиси Кумита Қиёмзода З. С. маърӯзи ҳисоботӣ намуд. Зимни баромади Қиёмзода З. С. бурду бохти ҳар як сохтори фаъолияткунанда ба таври мушаххас мавриди таҳлилу баррасӣ қарор дода шуд.

    Дар муҳокимаи масъала Раиси Кумита Шерализода Б. А. иштирок намуда, дар асоси ҳисоботи пешниҳодгардида аз масъулони шуъбаю бахшҳои ҳифзи муҳити зисти баъзе шаҳру ноҳияҳои ҷумҳурӣ сабабҳои нокифоягии самтҳои фаъолият, каммасъулиятӣ оид ба ваколатҳои хизматӣ, пурра иҷро нагардидани алоҳида супоришҳои марбутаро пурсон шуда, ба қарори ҷаласа барои баррасӣпешниҳодҳо карда шуд. Бо машварати аъзои Мушовара ба масъулони соҳавие, ки дар фаъолияти худ ба камбудиҳои чашмрас роҳ додаанд, муҷозотҳои маъмурӣ татбиқ гардид.

    Дар ҷаласаи Мушовара и. в. сардорони сарраёсатҳо ва раёсатҳои ҳифзи муҳити зисти вилоятҳо, шаҳри Душанбе доир ба самтҳои фаъолияти худ гузориш доданд ва вобаста ба масъалаҳои ҷорӣ ва бартараф намудани камбудиҳои ҷойдошта бо назардошти муҳлат дастуру супоришҳои мушаххас гирифтанд.

    Ҳамаи масъалаҳои дахлдори соҳавӣ мавриди таваҷҷуҳи раиси Кумиа қарор гирифта, барои фаъолияти хуби меҳнатӣ, баланд бардоштани интизоми хизматӣ дар татбиқи сиёсати давлатии ҳифзи муҳити зист ба масъулон дастуру супоришҳои қатъӣ дода шуд.

    Вобаста ба ҳамаи масъалаҳои баррасигардида, таклифу пешниҳодҳо ва супоришҳои додашуда қарори дахлдори ҷаласаи мушовара қироат карда шуд.

       

       

    Бозгашт