| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Душанбе шаҳри гулрез
    Ахбор

    Душанбе шаҳри гулрез 

    Бо мақсади татбиқи қарори Ҳукумати Ҷумҳурии Тоҷикистон аз 1 марти соли 2018 “Дар бораи Барномаи рушди иҷтимоию иқтисодии шаҳри Душанбе барои давраи то соли 2025” шаҳри Душанбе бо истифодаи имкониятҳои мавҷуда тараққӣ карда, раванди корҳои ободонӣ, созандагӣ ва сабзазоркунӣ барои саросар сабзу шукуфон ва гулрезу гулафшон гардидани пойтахт мусоидат менамояд.

    Дар ин зимн, бо мақсади ободу зебо намудани қитъаҳои алоҳидаи ноҳияҳои пойтахт ва мутобиқ ба талаботҳои агротехникӣ шинонидани дарахту буттаҳо ва гулу сабзазор дар асоси қарори Раиси шаҳри Душанбе «Дар бораи тасдиқи Нақшаи чорабиниҳо оид ба ниҳолшинонию сабзкорӣ дар мавсими тирамоҳи соли 2021 ва баҳори соли 2022 дар шаҳри Душанбе» шинонидани 263644 бех ниҳолҳои ороишӣ ва сояафкан ба нақша гирифта шудааст. Дар маҷмӯъ аз аввали мавсим дар ҳудуди шаҳри Душанбе 301430 бех ниҳолҳои ороишиву сояафкан, мевадиҳанда ва буттагӣ шинонида шуда, дар гулгашту хиёбонҳо ва боғҳои фарҳангию фароғатии пойтахт зиёда аз 10919211 дона гулҳои мавсимию бисёрсола шинонида шуд, ки аз ин шумора 3376339 дона гулҳои мавсимӣ, 2060891 дона гулҳои бисёрсола ва 5481981 дона гули лола мебошад.

    Бо мақсади ҷалби таваҷҷӯҳи аҳли ҷомеа ба корҳои ободонию ниҳолшинонӣ ва ба “шаҳри гулрез” табдил додани пойтахт дар ин давра дар ҳудуди пойтахт ба миқдори 3469053 дона қаламчаи гули садбарг дар минтақаҳои муайяншуда шинонида шуд.

    Бояд таъкид намуд, ки бо мақсади таъмин намудани кӯчаву хиёбонҳо ва боғу гулгаштҳо бо гулҳои тару тозаи ороишӣ бо дастури Мақомоти иҷроияи ҳокимияти давлатии шаҳри Душанбе дар ҳудуди Корхонаи воҳиди давлатии “Сабзкорӣ”-и шаҳри Душанбе бо ҷалби мутахассисон ва бо истифода аз усулҳои парвариши муосири гулпарварӣ дар доираи талаботҳои агротехникӣ корҳои зарурӣ ба роҳ монда шудаанд.

    Ҳамзамон, дар корхона 27979 бех ниҳолҳои дарахтони ҳамешасабз, сояафкан, буттагӣ ва 284 000 дона қаламчаи гулҳои садбарг парвариш ёфта истодааст.

    Бозгашт