| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Бо иштироки Раиси Кумита дар “Боғи Ҷавонон”-и пойтахт 200 адад ниҳоли дарахтони сосна шинонида шуд
    Ахбор

    Бо иштироки Раиси Кумита дар “Боғи Ҷавонон”-и пойтахт 200 адад ниҳоли дарахтони сосна шинонида шуд

    25 октябр бо ташаббуси Кумитаи ҳифзи муҳити зисти назди Ҳукумати Ҷумҳурии Тоҷикистон дар ҳамкорӣ бо Дафтари ҳамоҳангсози доимии СММ дар Тоҷикистон дар доираи Ташаббуси Раиси шаҳри Душанбе ва таҷлили Рӯзи Созмони Милали Муттаҳид (24 октябри соли 1948) дар “Боғи Ҷавонон”-и шаҳри Душанбе маъракаи ниҳолшинонӣ гузаронида шуд.

    Дар ин чорабинӣ Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Б. А., муовини Раиси шаҳри Душанбе Одинозода Д. ва Намояндаи Доимии СММ дар Тоҷикистон хонум Синаноглу С. иштирок намуданд. Инчунин, дар ин чорабинӣ як қатор фаъолони Кумита ва дигар ташкилотҳо ширкат доштанд.

    Раиси Кумита Шерализода Б. А. бо сухани ифтитоҳӣ баромад намуда, қайд кард, ки ташаббуси Раиси шаҳри Душанбе муҳтарам Рустами Эмомалӣ оид ба шаҳри сабз табдил додани шаҳри Душанбе қобили дастгирист ва масъалаҳои тағйирёбии иқлим ва ҳифзи муҳити зист таҳти таваҷҷуҳи Ҳукумати Ҷумҳурии Тоҷикистон қарор доранд.

    Бинобар ин, Раиси Кумита зимни суханронӣ даъват ба амал оварданд, ки  ҳамаи иштирокчиён ба сабзгардонии муҳити зист машғул гардида, саҳми худро гузоранд.

    Сипас дар доираи чорабинии гузаронидашуда бо иштироки  намояндагони ташкилотҳои болозикр дар “Боғи Ҷавонон”-и пойтахт 200 адад ниҳоли дарахти сосна шинонида шуд.

      

    
    Бозгашт