| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Баргузории вохӯрӣ оид ба такмили лоиҳаи «Стратегияи UNRCCA оид ба дастгирии ҳамкории кишварҳои Осиёи Марказӣ дар соҳаи обу энергетика, муҳити зист ва иқлим барои солҳои 2022-2025»
    Ахбор

    Баргузории вохӯрӣ оид ба такмили лоиҳаи «Стратегияи UNRCCA оид ба дастгирии ҳамкории кишварҳои Осиёи Марказӣ дар соҳаи обу энергетика, муҳити зист ва иқлим барои солҳои 2022-2025»

    Бо супориши Дастгоҳи иҷроияи Президенти Ҷумҳурии Тоҷикистон сардори Раёсати мониторинг, сиёсати экологӣ, обуҳавошиносӣ ва кадастри Кумитаи ҳифзи муҳити зист Шукуров Исфандиёр дар вохӯрии  коршиносони кишварҳои Осиёи Марказӣ оид ба баррасии лоиҳаи Стратегияи Маркази минтақавии СММ оид ба дипломатияи боздоранда барои Осиёи Марказӣ (UNRCCA) бо мақсади роҳандозии ҳамкории минтақавӣ дар соҳаи обу энергетика ва экология барои солҳои 2022-2025, ки 21-22 декабри соли 2021 дар шаҳри Москваи Федератсияи Россия баргузор гардид, иштирок намуд.

    Дар вохӯрии мазкур лоиҳаи матни навшудаи UNRCCA таҳти унвони «Стратегияи UNRCCA оид ба дастгирии ҳамкории кишварҳои Осиёи Марказӣ дар соҳаи обу энергетика, муҳити зист ва иқлим барои солҳои 2022-2025» такмил дода шуд. Аз ҷониби намояндаи Ҷумҳурии Тоҷикистон бо назардошти мавқеъ ва манфиатҳои миллӣ ба лоиҳаи мазкур таклифу пешниҳодҳои асоснок ироа гардид, ки он ба назар гирифта шуд. 

    Стратегияи мазкур метавонад ҳамчун, платформаи муколама ба ҳалли масъалаҳо ва муносибатҳои минтақавӣ дар соҳаи захираҳои обу энергетика, муҳити зист ва иқлим, инчунин фароҳам овардани шароити мусоид барои ҷустуҷӯи роҳҳои ҳалли дарозмуддати ба ҳамдигар қобили қабул ва судманд барои давлатҳои Осиёи Марказӣ мусоидат кунад.

    Дар рӯзи дуюм иштирокчиён ба Институти умумироссиягии илмӣ-тадқиқотии гидротехника ва мелиоратсияи ба номи А. Костяков ташриф оварда, доир ба таҷрибаи пешқадам дар идоракунии захираҳои обҳои фаромарзӣ, дар ҳалли мушкилоти коҳиш додани тағйирёбии иқлим, аз ҷумла, равишҳои инноватсионӣ ва технологии мубориза бо хушкӣ ва таъмини об ва оби тоза мубодилаи афкор намуданд. 

    Бозгашт