| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Баргузории ҷаласаи якуми Кумитаи миллӣ ва минтақавӣ оид ба ҳамоҳангсозии татбиқи лоиҳаи нави минтақавии USAID  «Захираҳои об ва муҳити зист»
    Ахбор

    Баргузории ҷаласаи якуми Кумитаи миллӣ ва минтақавӣ оид ба ҳамоҳангсозии татбиқи лоиҳаи нави минтақавии USAID «Захираҳои об ва муҳити зист»

    Моҳи ноябри соли равон ҳайати тоҷикистонии Кумитаи миллӣ ва минтақавӣ оид ба ҳамоҳангсозии татбиқи лоиҳаи нави минтақавии USAID «Захираҳои об ва муҳити зист» дар ҷаласаи якуми минтақавӣ дар шаҳри Алмаатои Ҷумҳурии Қазоқистон иштирок намуд. Ҳайати мазкур аз намояндагони вазоратҳои корҳои хориҷӣ, энергетика ва захираҳои об, кишоварзӣ, Кумитаи ҳифзи муҳити зист ва Агентии беҳдошти замин ва обёрии назди Ҳукумати Ҷумҳурии Тоҷикистон иборат буд. 

    Ҳадафи лоиҳаи мазкур ин таҳкими ҳамкориҳо оид ба баланд бардоштани иқтидори техникии ҷиҳати мудирияти захираҳои об ва ҳифзи экосистемаҳо дар Осиёи Марказӣ мебошад.

    Дар ҷаласаи зиёда аз 20 намояндагони вазорату идораҳои марбутаи ҷумҳуриҳои Қазоқистон, Тоҷикистон, Туркманистон ва Ӯзбекистон ширкат варзида, дар бораи тадбирҳои минбаъда оид ба рушди ҳамкориҳо бо мудирияти истифода ва ҳифзи захираҳои оби ҳавзаи баҳри Арал муколама намуданд.

    Дар ҷаласа сардори Раёсати мониторинг, сиёсати экологӣ, обуҳавошиносӣ ва кадастри Кумитаи ҳифзи муҳити зист Шукуров Исфандиёр зимни баромади худ вобаста ба зерқисмҳои лоиҳа пешниҳод намуд, ки дар соли 2022 чунин тадбирҳо дар доираи лоиҳаи мазкур андешида шаванд: дастгирии олимони ҷавон оид ба таҳияи рисолаҳои илмӣ-тадқиқотӣ дар мавзўҳои истифода ва ҳифзи захираҳои об; кумаки техникӣ оид ба ташкили нуқтаҳои назоратии дидбонгоҳҳои худкори Агентиии обуҳавошиносӣ дар ҳавзаҳои дарёҳои фаромарзӣ, гузаронидани корҳои илмӣ-тадқиқотӣ оид ба ҳолати пиряхҳои ҳавзаҳои дарёҳои Зарафшон ва Кофарниҳон; дастгирии таҳияи ду санади меъёрии ҳуқуқии танзимкунандаи истифода ва ҳифзи захираҳои об.


    Бозгашт