| Кумитаи Ҳифзи муҳити зисти назди Ҳукумати Ҷумҳурии Тоҷикистон
Тоҷикӣ      Русский      English
"Зарур аст, ки мо ба масъалаҳои ҳифзи муҳити зист,олами
наботот ва ҳайвонот, вазъи экологӣ муносибати ҷиддӣ
нишон диҳем ва бо ин мақсад ба таҷдиди назар дар
масъалаи такмили қонунгузорӣ дар ин соҳа ноил гаштем."
Эмомалӣ Раҳмон
Меню
  • АСОСӢ
  • ОИДИ КУМИТА
  • ФАЪОЛИЯТ
  • ҲАМКОРИҲОИ БАЙНАЛМИЛАЛӢ
  • ҚОНУНГУЗОРӢ
  • МАРКАЗИ АХБОРИ ЭКОЛОГӢ
  • ЭЪЛОНҲО
  • Кумитаи ҳифзи муҳити зисти назди Ҳукумати Ҷумҳурии Тоҷикистон



    Ба Замин – Модар бояд арҷ гузошт!
    Ахбор

    Ба Замин – Модар бояд арҷ гузошт!

    Аз охири солҳои 60-уми асри гузашта 22 апрел ҳамчун Рӯзи Замин дар кишварҳои ҷаҳон таҷлил карда мешавад. Заминро гузаштагони пурифтихори мо ба Модар ташбеҳ дода, ҳамагӣ ба ин андешаҳо зистаанд, ки Замин дар тули ҳастиаш инсониятро дар домани худ парвардаю ба камол расонидааст ва ҳар он чизе, ки одам то имрӯз мепӯшаду истеъмол менамояд, ҳама аз баракату саховати Замин аст.

    Соли 2009 Маҷмаи Умумии Созмони Милали Муттаҳид қарор қабул намуд, ки ҳамасола санаи 22 апрел чун Рӯзи байналмилалии Замин таҷлил карда шавад. Ҳадаф аз чунин иқдом ҷалби оммаи васеъ ба масоили мубрами ҳифзи муҳити зист мебошад.

    Дар қарордоди эълони Рӯзи байналмилалии Модар- Замин таъкид шудааст, ки Замин хонаи умумии мо буда, барои ноил гаштан ба мувозинаи одилона миёни талаботи мавҷудаи иқтисодӣ, иҷтимоӣ ва экологӣ ва наслҳои минбаъда баҳри муназзамии табиати сайёра чораҳо андешидан зарур аст.

    Айни замон ин санаро дар 180 давлати дунё бо аҳолии беш аз 500 миллион одам қайд менамоянд.

    Дар Тоҷикистони офтобии мо низ бахшида Рӯзи Замин чорабиниҳои мухталиф баргузор мегарданд. Яке аз самтҳои асосии фаъолияти Кумитаи ҳифзи муҳити зисти назди Ҳукумати Ҷумҳурии Тоҷикистон ин назорати давлатии риояи қонунҳои ҷорӣ ои ба ҳифзи захираҳои замин, ҳолати мелиоративии он мебошад. Дар ин рӯз баргузор намудани ҳама гуна чорабиниҳои назариявию амалӣ, ба монанди семинару мизҳои мудаввар, аксияҳои муҳитизистӣ, аз ҷумла тоза кардани заминҳои бо заҳрхимикатҳо олуда, ҷамъоварии партовҳои синтетикӣ аз заминҳои кишт ва ғайра ба ҳукми анъана даромадааст.

    Қобили зикр аст, ки Тоҷикистон 93%-и ҳудуди куҳсорро ташкил менамояд, ки он қиммати заминро боз ҳам зиёд мегардонад. Дар сурати самаранок ва оқилона истифода бурдани ҳар як ваҷаби замин, мо меҳру муҳаббати фарзандии худро нисбат ба Замин-Модар нишон медиҳем.

    Тамоми ҳамватанонро барои ҳифзи Замин-Модар эҳтиромона даъват менамоем.

    Бозгашт