Дар ҷаласаи навбатии ҳарҳафтаинаи раиси Кумита                                   

13 июни соли ҷорӣ таҳти раёсати раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон ҷаласаи навбатӣ оид ба муҳокимаи масъалаҳои ҷории фаъолияти сохторҳои Кумита ва вазифагузориҳо барои ҳафтаи аз 13 то 17 июни соли ҷорӣ баргузор гардид.

Тибқи рӯзномаи ҷаласа сардори Раёсати мониторинг, сиёсати экологӣ, обуҳавошиносӣ ва кадастр Шукуров Исфаниёр оид ба фаъолияти якҳафтаинаи сохторҳои соҳавӣ маълумоти мушаххаси таҳлилӣ пешниҳод намуд.

Сипас, сардори Раёсати кадрҳо, коргузорӣ ва назорати Кумита Салимзода Ш. оид ба рафти иҷрои ҳуҷҷатҳои назоратӣ маълумот дода, камбудиҳои мавҷудаи сохторҳои алоҳидаро, ки ба камбуд роҳ додаанд, пешниҳод намуд.

Тибқи тартиби муқарраргардида, масъулони соҳавӣ оид ба фаъолияти якҳафтаинаи самти худ ба раиси Кумита ба таври мушаххас маълумот доданд.

Раиси Кумита масъалаҳои дахлдори соҳавиро дар баррасӣ қарор дода, ҳафтаи ҳисоботиро натиҷагирӣ намуда, барои фаъолияти ҳафтаинаи ҷории сохторҳои соҳавӣ супоришҳои мушаххас дод.

Ҳамзамон, раиси Кумита Шерализода Б . А. барои иштироки масъулони Кумита ва мусоидати онҳо дар чорабиниҳои Конфронси 2-юми сатҳи баланд оид ба Даҳсолагии байналмилалии амал “Об барои рушди устувор, солҳои 2018-2028” ва Рӯзи умумиҷаҳонии муҳити зист, ки ҳафтаи қаблӣ баргузор гардида буданд, изҳори назар намуда, сипосгузорӣ намуд.

Вобаста ба ҳамаи масъалаҳои баррасигардида супоришҳо дода, бо назардошти нишон додани муҳлати иҷрои онҳо қарори дахлдор қабул карда шуд.